HomeNewsCrimeFraudകുറ്റിപ്പുറത്തെ ചാരിറ്റി തട്ടിപ്പുമായി ബന്ധപ്പെട്ട് ഒരാൾ അറസ്റ്റിൽ

കുറ്റിപ്പുറത്തെ ചാരിറ്റി തട്ടിപ്പുമായി ബന്ധപ്പെട്ട് ഒരാൾ അറസ്റ്റിൽ

kuttippuram-mohammed-riyas-arrest

കുറ്റിപ്പുറത്തെ ചാരിറ്റി തട്ടിപ്പുമായി ബന്ധപ്പെട്ട് ഒരാൾ അറസ്റ്റിൽ

കുറ്റിപ്പുറം: ചാരിറ്റബിള്‍ സൊസൈറ്റിയുടെ മറവില്‍ വന്‍ സാമ്പത്തിക തട്ടിപ്പ് നടത്തിയ ഒരാളെ പൊലിസ് അറസ്റ്റ് ചെയ്തു. മലപ്പുറം ജില്ലയിലെ കുറ്റിപ്പുറം ആസ്ഥാനമായി പ്രവര്‍ത്തിക്കുന്ന ‘സെറീന്‍’ചാരിറ്റബിള്‍ സൊസൈറ്റിയുടെ ജനറല്‍ സെക്രട്ടറിയും കോട്ടയം ചെങ്ങന്നാശ്ശേരി സ്വദേശിയുമായ ഇളവുശ്ശേരി മുഹമ്മദ് റിയാസിനെയാണ് കുറ്റിപ്പുറം സി.ഐ ശശീന്ദ്രന്‍ മേലയിലിന്റെ നേതൃത്വത്തിലുളള പൊലിസ് സംഘം അറസ്റ്റ് ചെയ്തത്.ഇന്ന് വൈകുന്നേരം നിലമ്പൂരില്‍ വെച്ചാണ് മുഹമ്മദ് റിയാസിനെ പൊലിസ് സംഘം പിടികൂടിയത്.
kuttippuram-mohammed-riyas-arrest
മഞ്ചേരി പന്തല്ലൂര്‍ സ്വദേശി അബ്ദുള്‍ നാസര്‍ നല്‍കിയ പരാതിയിലാണ് അറസ്റ്റ് ചെയ്തത്. അബ്ദുള്‍ നാസറില്‍ നിന്ന് പ്രതി 1,62000 രൂപ തട്ടിയെടുത്തുവെന്നാണ് പരാതി. കടം കൊണ്ട് പൊറുതിമുട്ടിയ ആളുകളെയും കുടുംബങ്ങളെയും സഹായിക്കാമെന്ന പേരില്‍ ഇയാള്‍ ലക്ഷങ്ങള്‍ തട്ടിയതായി പറയുന്നു.നിലമ്പൂര്‍, മണ്ണാര്‍ക്കാട് , ആലപ്പുഴ അടക്കമുളള സ്ഥലങ്ങളിലും ഓഫീസുകളും പ്രവര്‍ത്തനങ്ങളും ആരംഭിച്ചു. ഇയാള്‍ക്കെതിരെ നിരവധി പുതിയ പരാതികള്‍ കുറ്റിപ്പുറം പൊലീസില്‍ ലഭിച്ചു കൊണ്ടിരിക്കുകയാണ്. മലപ്പുറം, പാലക്കാട്, കോഴിക്കോട്, കണ്ണൂര്‍, മാഹി, കോട്ടയം അടക്കമുളള ജില്ലകളില്‍ നിന്ന് മുഹമ്മദ് റിയാസ് ലക്ഷങ്ങള്‍ തട്ടിയതായി പറയുന്നു.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!