ആതവനാട് പഞ്ചായത്തിൽ മുസ്‌ലിംലീഗിന് വൈസ് പ്രസിഡന്റ് സ്ഥാനം
ആതവനാട് ഗ്രാമപ്പഞ്ചായത്ത് ഭരണസമിതിയുടെ വൈസ് പ്രസിഡന്റായി മുസ്‌ലിംലീഗിലെ എം.ഐ.വി. ഖദീജയെ തിരഞ്ഞെടുത്തു. യു.ഡി.എഫ്. ധാരണയനുസരിച്ച്‌ ഒരുവർഷത്തേക്ക് മുസ്‌ലിംലീഗും കോൺഗ്രസും പ്രസിഡന്റ്, വൈസ് പ്രസിഡന്റ് സ്ഥാനങ്ങൾ പരസ്പരം മാറുന്നതിന്റെ ഭാഗമായി വൈസ് പ്രസിഡന്റ് രാജിവെച്ച ഒഴിവിലേക്കാണ് തിരഞ്ഞെടുപ്പ് നടന്നത്.
വികസനമുന്നണിയുടെ സ്ഥാനാർഥി പി. താഹിറയ്ക്കെതിരേ പത്തിനെതിരേ പന്ത്രണ്ട് വോട്ട് നേടിയാണ് ഖദീജ വൈസ് പ്രസിഡന്റായി തിരഞ്ഞെടുക്കപ്പെട്ടത്. റിട്ടേണിങ്‌ ഓഫീസറായ തിരൂർ സബ് രജിസ്‌ട്രാർ തിരഞ്ഞെടുപ്പ് നടപടിക്രമങ്ങൾ നിയന്ത്രിച്ചു. പ്രസിഡന്റ് അനിതാനായർ സത്യവാചകം ചൊല്ലിക്കൊടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
