കുറ്റിപ്പുറം കെ.എം.സി.ടി. പോളിടെക്‌നിക്കിന് എൻ.ബി.എ. അംഗീകാരം
കുറ്റിപ്പുറം : കെ.എം.സി.ടി. പോളിടെക്‌നിക് കോളേജിന് എൻ.ബി.എ. അംഗീകാരം. കോളേജിലെ മെക്കാനിക്കൽ എൻജിനീയറിങ്, സിവിൽ എൻജിനീയറിങ് എന്നിവയിലെ മികവിനാണ് ദേശീയതലത്തിലുള്ള നാഷണൽ ബോർഡ് ഓഫ് അക്രഡിറ്റേഷൻ അംഗീകാരം ലഭിച്ചത്.
സംസ്ഥാനത്തെ 102 പോളിടെക്‌നിക്കുകളിലെ 57 സ്വാശ്രയകോളേജുകളിൽ ആദ്യത്തെ എൻ.ബി.എ. അക്രഡിറ്റഡ് പോളിടെക്‌നിക് എന്ന ബഹുമതിക്കാണ് സ്ഥാപനം അർഹമായത്.ഉന്നതപഠന നിലവാരം, മികച്ച തൊഴിൽലഭ്യത, നൂതനമായ ലാബുകൾ, വിപുലമായ ലൈബ്രറി, മറ്റു ആധുനിക സൗകര്യങ്ങൾ, വിദഗ്ധരായ അധ്യാപകർ തുടങ്ങിയ ഘടകങ്ങൾ പരിശോധിച്ചതിന്റെ അടിസ്ഥാനത്തിലാണ് അംഗീകാരം ലഭിച്ചത്. എൻ.ബി.എ. അക്രഡിറ്റഡ് ആകുന്ന കേരളത്തിലെ ഏക സിവിൽ എൻജിനിയറിങ് ഡിപ്ലോമയും കേരളത്തിലെ രണ്ടാമത്തെ മെക്കാനിക്കൽ പ്രോഗ്രാമും ഇവിടെയാണെന്ന് കോളേജ് അധികൃതർ പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
