ഫിസിക്കൽ എജ്യൂക്കേഷനിൽ പി.എച്ച്.ഡി; ഷമീം പറശ്ശേരിയെ അനുമോദിച്ച് കക്കൻചിറ മഹല്ല് കമ്മിറ്റി

വളാഞ്ചേരി: മഹാത്മ ഗാന്ധി സർവകലാശാലയിൽ നിന്ന് ഫിസിക്കൽ എജ്യൂക്കേഷനിൽ പി എച്ച് ഡി നേടിയ വളാഞ്ചേരി കക്കൻചിറ സ്വദേശിയായ ഡോ: ഷമീം പറശ്ശേരിയെ കക്കൻചിറ മഹല്ല് കമ്മിറ്റിയുടെ നബിദിനാഘേഷത്തിൽ വെച്ച് മീലാദ് സ്വാഗത സംഘം അനുമോദനം നടത്തി. അഭിനന്ദന ഫലകം മഹല്ല് ഖത്തീബ് അബ്ദുറഷീദ് സഖാഫി കരേക്കാട് നൽകി. മഹല്ല് ജനറൽ സെക്രട്ടറി നൗഷാദ് ഒ ഉദ്ഘാടനം ചെയ്തു. മഹല്ല് പ്രസിഡൻ്റ് കെ മുഹമ്മദ് അധ്യക്ഷത വഹിച്ചു. സബീലുൽ ഹുദ മദ്രസ സദർ എം പി മുഹമ്മദ് കുട്ടി മുസ്ലിയാർ, സ്വാഗത സംഘം ചെയർമാൻ എൻ ശഫീഖ്, കൺവീനർ പി ശുക്കൂർ എന്നിവർ സംബന്ധിച്ചു.