പേരശനൂരിൽ പാളത്തിൽ വിള്ളൽ; വഴിയാത്രക്കാർ കണ്ടതിനാൽ അപകടം ഒഴിവായി

കുറ്റിപ്പുറം: റെയിൽ പാളത്തിൽ വിള്ളൽ കണ്ടെത്തിയതോടെ തൃശൂർ-കോഴിക്കോട് പാസഞ്ചർ ട്രെയിൻ അപകടത്തിൽനിന്ന് തലനാരിഴക്ക് രക്ഷപ്പെട്ടു. കുറ്റിപ്പുറം പേരശനൂർ സ്റ്റേഷന് സമീപത്താണ് ട്രാക്കിൽ വിള്ളൽ കണ്ടെത്തിയത്. ട്രാക്കിനരികിലൂടെ യാത്ര ചെയ്യുന്നവരാണ് വിള്ളൽ റെയിൽവേ അധികൃതരെ അറിയിച്ചത്. ഇതോടെ തൃശൂർ-കോഴിക്കാട് പാസഞ്ചർ അടക്കം ട്രെയിനുകൾ പിടിച്ചിട്ടു. ഷെർണൂരിൽ നിന്നെത്തിയ സംഘം പാളം മുറിച്ചുമാറ്റി പുതിയത് ഘടിപ്പിച്ചാണ് ഗതാഗതം പൂർവ സ്ഥിതിയിലാക്കിയത്.