എടയൂർ ഗ്രാമ പഞ്ചായത്ത് ഹരിത ഓഫീസ് പ്രഖ്യാപനം നടന്നു

എടയൂർ: എടയൂർ ഗ്രാമ പഞ്ചായത്ത് ഹരിത ഓഫീസ് പ്രഖ്യാപനം നടന്നു. ചൊവ്വാഴ്ച എടയൂർ പഞ്ചായത്ത് കോൺഫറൻസ് ഹാളിൽ നടന്ന ചടങ്ങ് ഗ്രാമ പഞ്ചായത്ത് പ്രസിഡൻ്റ് ഹസീന ഇബ്രാഹിം ഉദ്ഘാടനം ചെയ്തു. വൈസ് പ്രസിഡൻ്റ് കെ.പി വേലായുധൻ അധ്യക്ഷത വഹിച്ചു. ഗ്രീൻ പ്രോട്ടോക്കോൾ നടപ്പാക്കിയ ഗ്രാമ പഞ്ചായത്ത് ഓഫീസിനും മറ്റു സർക്കാർ സ്ഥാപനങ്ങൾക്കും ഗ്രീൻ പ്രോട്ടോക്കോൾ സാക്ഷ്യപത്രം പ്രസിഡൻ്റ് ഹസീന ഇബ്രാഹിമിൽ നിന്ന് സെക്രട്ടറി ദേവദാസ് ഏറ്റുവാങ്ങി. അസിസ്റ്റൻ്റ് സെക്രട്ടറി രാജേഷ് പരിപാടികൾ വിശദീകരിച്ചു. ഹരിത കർമ്മ സേന പ്രവർത്തന അവലോകനവും നടന്നു. അംഗങ്ങളായ ലൂബി റഷീദ്, ജാഫർ പുതുക്കുടി തുടങ്ങിയവർ പങ്കെടുത്തു.