നൂറ് ശതമാനം വാക്സിനേഷൻ; പ്രഖ്യാപനം നടത്തി വളാഞ്ചേരി നഗരസഭ
വളാഞ്ചേരി: പതിനെട്ട് വയസ്സിന് മുകളിൽ പ്രായമുള്ളവരിൽ വളാഞ്ചേരി നഗരസഭയിലെ 30,463 പേരിൽ കോവിഡ് പോസിറ്റീവായി തൊണ്ണൂറ് ദിവസം ആകാത്തവരേയും ഒഴിച്ച് വാക്സിൻ ആവശ്യപ്പെട്ട മുഴുവൻ പേർക്കും ഫസ്റ്റ് ഡോസ് വാക്സിൻ നൽകി നൂറ് ശതമാനം നേട്ടം കൈവരിച്ച നഗരസഭയായി വളാഞ്ചേരിയെ കോട്ടക്കൽ നിയോജക മണ്ഡലം എം.എൽ.എ പ്രൊഫ.കെ.കെ ആബിദ് ഹുസൈൻ തങ്ങൾ പ്രഖ്യാപിച്ചു. ചടങ്ങിൽ നഗരസഭ ചെയർമാൻ അഷ്റഫ് അമ്പലത്തിങ്ങൽ അദ്ധ്യക്ഷനായി. വൈസ് ചെയർപേഴ്സൺ റംല മുഹമ്മദ്, പി.എച്ച്.സി മെഡിക്കൽ ഓഫീസർ ഡോ: പി.സൽവ, സ്റ്റാൻ്റിങ് കമ്മിറ്റി ചെയർമാൻമാരായ മണി മാരാത്ത്, മുജീബ് വിലാസി, സി.എം റിയാസ്, ദീപ്തി ശൈലേഷ്, റൂബി ടീച്ചർ, ഹെൽത്ത് ഇൻസ്പെക്ടർ എൻ.എൻ ബഷീർ എന്നിവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
