മാലാപറമ്പ് സബ് സ്റ്റേഷനിലെ തകരാർ; അരലക്ഷം ഉപയോക്താക്കൾ ഇരുട്ടിലായി
കൊളത്തൂർ ∙ മാലാപറമ്പ് 220 കെവി സബ്സ്റ്റേഷനിലെ തകരാറിനെത്തുടർന്ന് മേഖലയിലാകെ മണിക്കൂറുകളോളം വൈദ്യുതി വിതരണം തടസ്സപ്പെട്ടു. മൂർക്കനാട് പഞ്ചായത്ത് മുഴുവനായും കുറുവ, പുഴക്കാട്ടിരി, അങ്ങാടിപ്പുറം, എടയൂർ പഞ്ചായത്തുകളിൽ ഭാഗികമായും വൈദ്യുതി മുടങ്ങി. പെരിന്തൽമണ്ണ, മേലാറ്റൂർ സബ് സ്റ്റേഷനുകളെയും പ്രതിസന്ധി ഭാഗികമായി ബാധിച്ചു. അര ലക്ഷത്തിലേറെ ഉപഭോക്താക്കളാണ് ദുരിതത്തിലായത്. വൈകിട്ട് ആറരയോടെയാണ് സംഭവം. മണിക്കൂറുകളോളം നീണ്ട അറ്റകുറ്റപ്പണിക്കുശേഷം രാത്രി 11 ഓടെയാണ് വൈദ്യുതി പുനസ്ഥാപിച്ചത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
