എടച്ചലം ഉപതിരഞ്ഞെടുപ്പ്: പരസ്യപ്രചാരണം ഇന്ന് സമാപിക്കും

കുറ്റിപ്പുറം : ഗ്രാമപ്പഞ്ചായത്തിലെ 12-ാം വാർഡായ എടച്ചലത്ത് നടക്കുന്ന ഉപതിരെഞ്ഞടുപ്പിൽ പരസ്യപ്രചാരണം ചൊവ്വാഴ്ച സമാപിക്കും. യു.ഡി.എഫ്. സ്ഥാനാർഥി ആവക്കാട്ടിൽ മുഹ്സിന സാഹിറും എൽ.ഡി.എഫ്. സ്ഥാനാർഥി കവർത്തൊടി ബുഷ്റയും ബി.ജെ.പി. സ്ഥാർഥി ചോലക്കൽ ധന്യയുമാണ് മത്സരരംഗത്തുള്ളത്. വാർഡംഗവും പഞ്ചായത്ത്‌ പ്രസിഡന്റുമായിരുന്ന മുസ്‍ലിംലീഗിലെ റംല കറത്തൊടിയുടെ നിര്യാണത്തെത്തുടർന്നാണ് ഇവിടെ ഉപതിരഞ്ഞെടുപ്പ് നടക്കുന്നത്. ഇത്തവണ 2,227 വോട്ടർമാരാണ് വാർഡിൽ ഉള്ളത്.