രണ്ടത്താണിയിൽ കാറും സ്വകാര്യ ഓട്ടോറിക്ഷയും കൂട്ടിയിടിച്ച് ഒരാൾ മരിച്ചു

മാറാക്കര: കാറും സ്വകാര്യ ഓട്ടോറിക്ഷയും കൂട്ടിയിടിച്ച് കണ്ണമംഗലം തോട്ടശ്ശേരിയറ പുള്ളിപ്പാറ തെക്കെമണപ്പാട്ടിൽ രഞ്ജിത് (മണിക്കുട്ടൻ-36) മരിച്ചു. ദേശീയപാത 66 രണ്ടത്താണിയിൽ തിങ്കളാഴ്‌ച പുലർച്ചെ മൂന്നോടെയായിരുന്നു അപകടം. കുടുംബസമേതം കൊടുങ്ങല്ലൂർ ക്ഷേത്രദർശനത്തിനു പോകുകയായിരുന്നു. രഞ്ജിത് ആണ് ഓട്ടോ ഓടിച്ചിരുന്നത്. ഗുരുതരമായി പരിക്കേറ്റ ഭാര്യ ഷിജി (30), മകൾ ശിവാനി (6) എന്നിവർ കോട്ടയ്ക്കലിലെ സ്വകാര്യ ആശുപത്രിയിൽ ചികിത്സയിലാണ്. മകൻ ജിൽജിത് (11) പ്രാഥമിക ചികിത്സകഴിഞ്ഞ് വീട്ടിലെത്തി. അച്ഛൻ: ശങ്കുണ്ണി. അമ്മ: രമാഭായി. സഹോദരങ്ങൾ: ശരത്, ഷിംജിത്, ഇന്ദു. തിരൂർ ജില്ലാ ആശുപത്രിയിൽ മൃതദേഹപരിശോധനയ്ക്കുശേഷം സംസ്‌കരിച്ചു.