HomeNewsCrimeഓട്ടോ ഇടിച്ച് വഴിയാത്രക്കാരൻ മരിച്ച സംഭവം; ഡ്രൈവർ 24 വർഷത്തിനു ശേഷം പിടിയിൽ

ഓട്ടോ ഇടിച്ച് വഴിയാത്രക്കാരൻ മരിച്ച സംഭവം; ഡ്രൈവർ 24 വർഷത്തിനു ശേഷം പിടിയിൽ

driver-arrest

ഓട്ടോ ഇടിച്ച് വഴിയാത്രക്കാരൻ മരിച്ച സംഭവം; ഡ്രൈവർ 24 വർഷത്തിനു ശേഷം പിടിയിൽ

കൽപകഞ്ചേരി: ഇരുപത്തിനാല് വർഷങ്ങൾക്ക് മുമ്പ് ഓട്ടോ ഇടിച്ച് വഴിയത്രക്കാരൻ മരിച്ച സംഭവത്തിൽ അറസ്റ്റ്. പൊട്ടിക്കല്ല് സ്വദേശി അബ്ദുൾ സലാമാണ് കൽപകഞ്ചേരി പോലീസിന്റെ പിടിയിലായത്. കുറുകത്താണിയിൽ വച്ച് 1994ൽ നടന്ന അപകടത്തിൽ സലാം ഓടിച്ച ഓട്ടോ ഇടിച്ച് കാലടി സൂപ്പി എന്നയാൾ മരണപ്പെടുകയുമായിരുന്നു.
അപകടത്തെ തുടർന്ന് ഒളിവിൽ പോയ സലാം ബാംഗ്ലൂർ പോലുള്ള നഗരങ്ങളിൽ കഴിയുകയായിരുന്നു. എന്നാൽ, 1997 മുതൽ കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു. ഇതിനിടയിൽ ചെറിയ പെരുന്നാളിനോടനുബന്ധിച്ച് കഴിഞ്ഞ ദിവസം ബന്ധുക്കളെ കാണാൻ ഇയാൾ നാട്ടിലെത്തിയതറിഞ്ഞ് കൽപകഞ്ചേരി എസ്.ഐ നിപുൺ ശങ്കറിന്റെ നേതൃത്വത്തിലുള്ള പോലീസ് സംഘം ഇയാളെ പിടികൂടിയത്. തിരൂർ കോടതിയിൽ ഹാജരാക്കിയ സലാമിനെ റിമാന്റ് ചെയ്തു.

No Comments

Leave A Comment