ബാവപ്പടി-കുറുമ്പത്തൂർ റോഡിലെ ഓവുചാൽ അപകടഭീഷണി ഉയർത്തുന്നു

ആതവനാട്: ബാവപ്പടി-കുറുമ്പത്തൂർ റോഡിലെ ഓവുചാൽ അപകടഭീഷണി ഉയർത്തുന്നു. വയൽ കഴിഞ്ഞതിനുശേഷമുള്ള കാടുമൂടിയ ഓവുചാലാണ് ഭീഷണിയാകുന്നത്. ഇരുവശത്തുനിന്നും ഒരേസമയം വാഹനം വന്നാൽ യാത്രക്കാർ വീഴുക ഉറപ്പാണ്. റോഡിൽനിന്ന്‌ എട്ടടിയോളം താഴ്ചയിലാണ് ഓവുചാൽ. വളവായതിനാൽ ദൂരെനിന്ന് ശ്രദ്ധയിൽപ്പെടാത്തതിനാൽ അപകടസാധ്യതയും കൂടുതലാണെന്ന് നാട്ടുകാർ പറയുന്നു. ഇരുചക്രവാഹനയാത്രികർക്കാണ് കൂടുതൽ ബുദ്ധിമുട്ടുണ്ടാകുന്നത്. സ്ഥലപരിചയമില്ലാത്ത പലരും തലനാരിഴയ്ക്കാണ് അപകടത്തിൽനിന്ന് രക്ഷപ്പെട്ടുപോയിട്ടുള്ളതെന്നും പറയുന്നു.