HomeNewsStrikeജില്ലയിലെ ഡോക്ടർമാർ ഇന്ന് പണിമുടക്കും

ജില്ലയിലെ ഡോക്ടർമാർ ഇന്ന് പണിമുടക്കും

ജില്ലയിലെ ഡോക്ടർമാർ ഇന്ന് പണിമുടക്കും

വളാഞ്ചേരി ഓൺലൈനിൽ വാർത്തകൾ നൽകാൻ +919995926236 എന്ന നമ്പറിൽ വാട്സാപ് ചെയ്യൂ.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ https://t.me/vlyonline


കോട്ടയ്ക്കൽ: കൊൽക്കത്തയിലെ മെഡിക്കൽകോളേജിൽ യുവ ഡോക്ടർക്കുനേരെ നടന്ന അക്രമത്തിൽ പ്രതിഷേധിച്ച് ഐ.എം.എ.യുടെ നേതൃത്വത്തിൽ നടക്കുന്ന സമരത്തിന്റെ ഭാഗമായി ജില്ലയിലെ ഡോക്ടർമാരും തിങ്കളാഴ്ച പണിമുടക്കും. തിങ്കളാഴ്ച രാവിലെ ആറുമുതൽ ചൊവ്വാഴ്ച രാവിലെ ആറുവരെയാണ് പണിമുടക്ക്. സമരത്തിന്റെ ഭാഗമായി ഒ.പി. വിഭാഗങ്ങളുടെ സേവനം 24 മണിക്കൂർ നിർത്തിവെക്കും. അത്യാഹിതവിഭാഗത്തിന്റെ പ്രവർത്തനം പണിമുടക്കിൽനിന്ന് ഒഴിവാക്കും. സർക്കാർ ഡോക്ടർമാർ രാവിലെ എട്ടുമുതൽ 10 മണി വരെ ഒ.പി. ബഹിഷ്കരിച്ച് സമരത്തിൽ പങ്കെടുക്കുമെന്ന്‌ ഐ.എം.എ. ജില്ലാ ചെയർമാൻ നിലാർ മുഹമ്മദ്, കോ -ഓർഡിനേറ്റർ ഡോ. ജലാൽ എന്നിവർ അറിയിച്ചു.

മെഡിക്കൽ കോളേജിൽ ഒരുമണിക്കൂർ പണിമുടക്ക്‌
മഞ്ചേരി: മെഡിക്കൽകോളേജിൽ കെ.ജി.എം.സി.ടി.എ.യുടെ നേതൃത്വത്തിൽ ഡോക്ടമാർ തിങ്കളാഴ്ച ഒരുമണിക്കൂർ പണിമുടക്കും. ഒ.പി, അധ്യാപനം, ലാബ് ജോലികൾ എന്നിവയിൽനിന്നാണ് വിട്ടുനിൽക്കുന്നത്. അത്യാഹിതവിഭാഗം, ഐ.സി.യു., തിയേറ്റർ, പ്രസവവിഭാഗം എന്നിവയെ സമരത്തിൽനിന്ന്‌ ഒഴിവാക്കിയിട്ടുണ്ട്. കൊൽക്കത്തയിൽ ഡോക്ടറെ ആക്രമിച്ചവരെ ശിക്ഷിക്കണമെന്നാവശ്യപ്പെട്ട് ഐ.എം.എ. നടത്തുന്ന സമരത്തിന് പിന്തുണപ്രഖ്യാപിച്ചാണ് കെ.ജി.എം.സി.ടി.എ.യും പ്രതിഷേധിക്കുന്നത്.
Summary:doctors in the malappuram district on strike today

No Comments

Leave A Comment