ദേവഹരിതം-ക്ഷേത്രങ്ങളിലെ കൃഷി; കാടാമ്പുഴ ഭഗവതി ക്ഷേത്രത്തിൽ തുടക്കം കുറിച്ചു

മാറാക്കര: ഹരിതകേരളം മിഷന്റെ ദേവഹരിതം പദ്ധതിയിൽ ക്ഷേത്രങ്ങളുടെ അധീനതയിലുള്ള കൃഷിയാവശ്യങ്ങൾക്ക് ഉപയോഗിക്കാവുന്ന ഭൂമിയിൽ കൃഷിചെയ്യുന്നതിന്റെ ജില്ലാതല ഉദ്ഘാടനം കാടാമ്പുഴ ഭഗവതീ ദേവസ്വംഭൂമിയിൽ വിളവിറക്കി ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്കൃഷ്ണൻ നിർവഹിച്ചു.

മാറാക്കര ഗ്രാമപ്പഞ്ചായത്ത് പ്രസിഡന്റ് വി. മധുസൂദനൻ അധ്യക്ഷത വഹിച്ചു. ദേവസ്വം എക്സിക്യുട്ടീവ് ഓഫീസർ കെ.പി. മനോജ്കുമാർ, ഹരിതകേരളം മിഷൻ ജില്ലാ കോ-ഓർഡിനേറ്റർ ജിതിൻ, വാർഡംഗം പി.പി. ബഷീർ, കൃഷി ഓഫീസർ സലീം എന്നിവരും ദേവസ്വം ജീവനക്കാരും പങ്കെടുത്തു.