800 കുടുംബങ്ങൾക്ക് പച്ചക്കറി കിറ്റ് വിതരണം ചെയ്ത് സിപിഎം എടയൂർ അധികാരിപടി ബ്രാഞ്ച് കമ്മറ്റി
എടയൂർ: സിപിഎം എടയൂർ അധികാരിപടി ബ്രാഞ്ച് കമ്മറ്റി കോവിഡ് 19 ലോക്ക്ഡൗൺ പശ്ചാത്തലത്തിൽ ബ്രാഞ്ച് പരിധിയിലെ മുഴുവൻ വീടുകളിലും പച്ചക്കറി കിറ്റുകൾ വിതരണം ചെയ്തു. എണ്ണൂറോളം കുടുംബങ്ങളിലാണ് സി.പി.എം പ്രവർത്തകർ കിറ്റുകൾ എത്തിച്ചത്. എസ്.എഫ്.ഐ, ഡി.വൈ.എഫ്.ഐ പ്രവർത്തകരും കിറ്റുകൾ പാക്ക് ചെയ്യുന്നതിന് നേതൃത്വം നൽകി. തുടർന്ന് വാഹനങ്ങളിലായി ഓരോ വീടുകളിലും കിറ്റുകൾ എത്തിക്കുകയായിരുന്നു. കിറ്റുകളുടെ വിതരണോദ്ഘാടനം സി.പി.എം എടയൂർ ലോക്കൽ സെക്രട്ടറി എ.എൻ ജോയ് മാസ്റ്റർ നിർവ്വഹിച്ചു. വാർഡ് മെമ്പർ ടി അബ്ദുള്ളകുട്ടി, പാർട്ടി നേതാക്കളായ പി.എം മോഹനൻ മാസ്റ്റർ, റംല ടീച്ചർ, ബ്രാഞ്ച് സെക്രട്ടറി അമീറലി ടി തുടങ്ങിയവർ സംസാരിച്ചു. അബ്ദുസമദ് ടി, റഷീദ് വി.പി, ഷാനവാസ് എൻ.ടി, ഇസ്ഹാഖ് എം.പി, ജമാൽ മാനു വി.പി, ബാബു എം.കെ, അൻവർ എം, അമീൻ ടി.ടി, മൊയ്തു കെ.പി, സാദിഖ് ടി, മുഹമ്മദ് കുട്ടി വി.പി തുടങ്ങിയവർ നേതൃത്വം നൽകി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
