ജന ജാഗ്രതാ യാത്രയ്ക്ക് വളാഞ്ചേരിയിൽ സ്വീകരണം നൽകി

വളാഞ്ചേരി: എൽഡിഎഫ് വടക്കൻ മേഖല ജനജാഗ്രതാ യാത്രയ്ക്കു വളാഞ്ചേരിയിൽ സ്വീ‍കരണം നൽകി. ബിജെപി ജനരക്ഷായാത്ര നടത്തിയത് നാട്ടിൽ കലാപം സൃഷ്ടിച്ചു മുതലെടുപ്പു നടത്താനാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ.

60 വയസ്സിനു മേലുള്ള, മറ്റൊരു പെൻഷനും ലഭിക്കാത്ത മുഴുവൻ പേർക്കും പെൻഷൻ നൽകാനുള്ള ധീരമായ നിലപാടാണ് എൽഡിഎഫ് സർക്കാരെടുത്തതെന്നും, കോൺഗ്രസിലും മുസ്‍ലിം ലീഗിലും ബിജെപിയിലും 60 വയസ്സ് കഴിഞ്ഞ വല്ലവരും പെൻഷൻ ലഭിക്കാതെയിരിക്കുന്നുണ്ടെങ്കിൽ ഉടൻ അപേക്ഷിക്കണമെന്നും കോടിയേരി പറഞ്ഞു.

സിപിഎം ഏരിയാ സെക്രട്ടറി കെ.പി.ശങ്കരൻ ആധ്യക്ഷ്യം വഹിച്ചു. ജാഥാ അംഗങ്ങളായ ഇ.പി.ആർ.വേശാല, പി.കെ.രാജൻ, സിപിഎം ജില്ലാ സെക്രട്ടേറിയറ്റ് അംഗം വി.പി.സക്കറിയ, കെ.രാമദാസ്, അഷ്റഫലി കാളിയത്ത്, സി.പി.കെ.ഗുരുക്കൾ, ഷെരീഫ് പാലോളി, കെ.കെ.ഫൈസൽ തങ്ങൾ എന്നിവർ പ്രസംഗിച്ചു. വളാഞ്ചേരി സെൻട്രൽ കവലയിൽനിന്നു പ്രവർത്തകർ ഘോഷയാത്രയായാണ് കോടിയേരിയെ സ്വീകരണ കേന്ദ്രത്തിലേക്കു വരവേറ്റത്.

Save