കൌൺസിലർമാരുടെ രാജി ആവശ്യപ്പെട്ട് വളാഞ്ചേരി നഗരസഭക്ക് മുന്നിൽ പ്രതിഷേധ സമരം നടത്തി സിപിഎം
വളാഞ്ചേരി: തോട് കയ്യേറ്റ വിഷയത്തിൽ ഡോക്ടറോട് പണം ആവശ്യപ്പെട്ടെന്ന ആരോപണം നേരിടുന്ന വളാഞ്ചേരി നഗരസഭ യു.ഡി.എഫ് കൗൺസിലർ നൗഫൽ പാലാറ രാജിവെക്കുക, ദളിത് വിഭാഗക്കാരെ ജാതിയമായി അധിക്ഷേപിച്ച കോൺഗ്രസ് നേതാവ് കെ.വി ഉണ്ണികൃഷ്ണനെ കൗൺസിലർ സ്ഥാനത്ത് നിന്നും പുറത്താക്കുക തുടങ്ങിയ ആവശ്യങ്ങൾ ഉന്നയിച്ച് നഗരസഭക്ക് മുന്നിൽ സിപിഎം പ്രതിഷേധ സമരം നടത്തി. സിപിഐ(എം) വളാഞ്ചേരി ലോക്കൽ സെക്രട്ടറി എൻ വേണുഗോപാൽ ഉദ്ഘാടനം ചെയ്തു. ടിം പി രഘുനാഥ് അധ്യക്ഷത വഹിച്ചു, കെ എം ഫിറോസ് ബാബു, കെ പി യാസർ അറഫാത്ത്, ഇ.പി അച്യുതൻ, യാസർ പാറക്കൽ, കെ ജയൻ, ജുനൈദ് തയ്യിൽ എന്നിവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
