വളാഞ്ചേരി നഗരസഭാ ഭരണസമിതിയുടെ രാജിയാവശ്യപ്പെട്ട് സി.പി.എം പൊതുയോഗം സംഘടിപ്പിച്ചു

വളാഞ്ചേരി: നഗരസഭാ ഭരണസമിതി രാജിവെക്കണമെന്നാവശ്യപ്പെട്ട് സി.പി.എം. വളാഞ്ചേരി ലോക്കൽ കമ്മിറ്റി പൊതുയോഗം സംഘടിപ്പിച്ചു. ഭരണസമിതിയിലെ ചില കൗൺസിലർമാർ അഴിമതിക്ക് കൂട്ടുനിൽക്കുന്നതായും തന്നെ ഭരിക്കാൻ അനുവദിക്കുന്നില്ലെന്നും പറഞ്ഞ് നഗരസഭാധ്യക്ഷ രാജിവെച്ചൊഴിഞ്ഞതും അഴിമതി, വികസനമുരടിപ്പ് എന്നീ വിഷയങ്ങളും വിശദീകരിക്കുന്നതിനായിരുന്നു പൊതുയോഗം.

ഏരിയാ സെക്രട്ടറി കെ.പി. ശങ്കരൻ ഉദ്ഘാടനം ചെയ്തു. കെ.എം. ഫിറോസ്ബാബു അധ്യക്ഷനായി. ടി.പി. അബ്ദുൾഗഫൂർ, ടി.പി. രഘുനാഥ്, പി.പി. രാമചന്ദ്രൻ എന്നിവർ പ്രസംഗിച്ചു.