ഇന്ധന വിലവർദ്ധനവിൽ പ്രതിഷേധിച്ച് കോൺഗ്രസ് വൈക്കത്തൂരിൽ പ്രതിഷേധയോഗം നടത്തി

വളാഞ്ചേരി: അഖിലേന്ത്യ കോൺഗ്രസ്‌ കമ്മറ്റിയുടെ ആഹ്വാന പ്രകാരം പാചക വാതക, പെട്രോൾ, ഡീസൽ വിലവർദ്ധനവിനെതിരെയും മറ്റ് നിത്യോപയോഗ സാധനങ്ങളുടെ ക്രമാധീതമായ വില വർദ്ധനവിലും പ്രധിഷേധിച്ചുകൊണ്ട് വളാഞ്ചേരി വൈക്കത്തൂർ മേഖല കോൺഗ്രസ്‌ കമ്മറ്റിയുടെ ആഭിമുഖ്യത്തിൽ പ്രതിഷേധയോഗം നടത്തി. ബൈക്കുകൾ നിർത്തിയിട്ടും ഗ്യാസ് കുറ്റികൾ അണിനിരത്തിയുമാണ് സമരം നടന്നത്. സമരം മുൻ ബ്ലോക്ക്‌ കോൺഗ്രസ്‌ കമ്മിറ്റി പ്രസിഡന്റ് കെ വി ഉണ്ണികൃഷ്ണൻ ഉദ്ഘാടനം ചെയ്തു. എം വത്സൻ ബാബു അധ്യക്ഷത വഹിച്ചു. ചടങ്ങിൽ പി രാജൻ നായർ, പി ഭക്തവത്സലൻ, കെ കൃഷ്ണൻ, നൗഫൽ പാലാറ, കെ കെ അസറുദ്ധീൻ, പി അലവികുട്ടി, നൗഫൽ വി കെ, ഷമീർ പരിയാരത്ത്,എ സത്യൻ, ജിത്തു മോൻ, എൻ ഹരിദാസൻ, കെ ടി മാധവൻ എന്നിവർ നേതൃത്വം നൽകി.