കുറ്റിപ്പുറം പോലീസ് സ്റ്റേഷനിൽ ഉദ്ഘാനത്തിനൊരുങ്ങി ശിശു സൗഹൃദ പോലീസ് സ്റ്റേഷൻ

കുറ്റിപ്പുറം: കുറ്റിപ്പുറം പോലീസ് സ്റ്റേഷനിൽ ഉദ്ഘാനത്തിന് തയ്യാരിക്കുകയാണ് ശിശു സൗഹൃദ പോലീസ് സ്റ്റേഷൻ. ജില്ലയിലെ തന്നെ തിരെഞ്ഞെടുത്ത സ്റ്റേഷനുകളിലാണ് ഇത്തരമൊരു ആശയം നടപ്പിലാക്കുന്നത്. സ്റ്റേഷനോട് ചേർന്ന് മറ്റൊരു കെട്ടിടത്തിലാണ് സ്‌റ്റേഷനിൽ വരുന്ന കുട്ടികൾക്ക് കളിച്ചുല്ലസിക്കാനുതകുന്ന തരത്തിൽ ശിശു സൗഹൃദ സ്റ്റേഷൻ തയ്യാറാക്കിയിട്ടുള്ളത്. പോലീസ് പൊതുജന സൗഹൃദം മെച്ചപ്പെടുത്തുക എന്ന ഉദ്ദേശത്തോടെ പോലീസിലെ ആധുനികവൽക്കരണത്തിൻ്റെ ഭാഗമായാണ് ഇത്തരമൊരു പദ്ധതിക്ക് തുടക്കമിടുന്നതെന്ന് കുറ്റിപ്പുറം പോലീസ് ഇൻസ്പെക്ടർ ശശീന്ദ്രൻ മേലയിൽ പറഞ്ഞു.

കുട്ടികൾക് പോലീസിനോടുള്ള അകാരണമായ ഭയം മാറ്റിയെടുക്കുകയും പോലീസ് തങ്ങളുടെ രക്ഷകരാണെന്ന ബോധം അവരിൽ വളർത്തിയെടുക്കുകയാണ് ലക്ഷ്യമെന്നും അദ്ദേഹം പറഞ്ഞു. ഇതുമൂലം രക്ഷിതാക്കളോട് പോലും തുറന്ന് പറയാൻ മടിക്കുന്ന കാര്യങ്ങൾ പോലീസിനോട് തുറന്ന് പറയാൻ കുട്ടികൾക്ക് സാധിക്കുമെന്നും അവരോടുള്ള ചൂഷണം തടയാൻ ഇത് പ്രകാരം പോലീസിന് സാധിക്കുമെന്നും, വിദ്യാർത്ഥികൾക്ക് സ്റ്റേഷൻ സന്ദർശിക്കാൻ അവസരം നൽകുമെന്നും അദ്ദേഹം പറഞ്ഞു.