എല്‍.ഡി.എഫ് സ്വതന്ത്ര സ്ഥാനാര്‍ത്ഥിയുടെ വീടിന് നേരെ ആക്രമണം; കുറ്റിപ്പുറത്ത് അമ്പതോളം പേർക്കെതിരെ കേസ്
കുറ്റിപ്പുറം: ആഹ്ലാദ പ്രകടനത്തിനിടെ എതിർ സ്ഥാനാർഥിയുടെ വീടിന് നേരെ അക്രമണം നടത്തിയെന്ന പരാതിയിൽ അമ്പതോളം പ്രവർത്തകരുടെ പേരിൽ പരാതി. കുറ്റിപ്പുറം ഗ്രാമ പഞ്ചായത്തിലെ പാഴൂരില്‍ കോണ്‍ഗ്രസ് പ്രവര്‍ത്തകര്‍ നടത്തിയ ആഹ്ലാദ പ്രകടനത്തിനിടെ എല്‍.ഡി.എഫ് സ്വതന്ത്ര സ്ഥാനാര്‍ത്ഥിയുടെ വീടിന് നേരെ ആക്രമണമുണ്ടായെന്ന പരാതിയെ തുടർന്നാണ് കേസ്. കുറ്റിപ്പുറം പഞ്ചായത്തിലെ ഇരുപതാം വാര്‍ഡിലെ എല്‍.ഡി.എഫ് സ്വതന്ത്ര സ്ഥാനാര്‍ത്ഥിയായി മത്സരിച്ച അത്തിക്കാട്ട് ബീക്കുട്ടിയുടെ വീടിന് നേരെയാണ് ബുധനാഴ്ച രാത്രി എട്ട് മണിയോടെ അക്രമണം ഉണ്ടായത്. പടക്കമെറിഞ്ഞും കല്ലെറിഞ്ഞും വീടിന് നാശനഷ്ടങ്ങള്‍ വരുത്തിയതായി കുറ്റിപ്പുറം പൊലിസില്‍ നല്‍കിയ പരാതിയില്‍ പറയുന്നു. പരാതിയെ തുടര്‍ന്ന് കണ്ടാലറിയാവുന്ന അമ്പതോളം പേർക്കെതിരെ കുറ്റിപ്പുറം പൊലിസ് കേസെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
