ഫയര്‍ഫോഴ്‌സ് വാഹനത്തിന് വഴിയൊരുക്കവേ ബസ്സുകൾക്കിടയിൽപ്പെട്ട് ഡ്രൈവർക്ക് ദുരാണാന്ത്യം
പരപ്പനങ്ങാടി: ബസ്സുകള്‍ക്കിടയില്‍ പെട്ട് ബസ് ഡ്രൈവര്‍ മരണപ്പെട്ടു. പരപ്പനങ്ങാടിയില്‍ നിന്ന് കോഴിക്കോട്ടേക്ക് പോകുന്ന ആയിഷാന്‍ ബസിലെ ഡ്രൈവര്‍ വള്ളിക്കുന്ന് ആനയറങ്ങാടി സ്വദേശി കോലക്കാട്ട് രാമചന്ദ്രന്റെ മകന്‍ സുർജിന്‍ (30) ആണ് മരിച്ചത്.
ചൊവ്വാഴ്ച വൈകീട്ട് പരപ്പനങ്ങാടി ജംഗ്ഷനിലാണ് അപകടം സംഭവിച്ചത്. പരപ്പനങ്ങാടി ഒട്ടുമ്മലില്‍ ഹാര്‍ഡ്‌വെയര്‍ ഷോപ്പിന് തീ പിടിച്ചത് അണയ്ക്കാന്‍ പോവുകയായിരുന്ന ഫയര്‍ഫോഴ്‌സ് വാഹനത്തിന് വഴിയൊരുക്കാന്‍ ജംഗ്ഷനില്‍ ആളെ ഇറക്കുവാന്‍ നിര്‍ത്തിയിട്ടിരുന്ന ബസ്സിന് മുന്നിലേക്കെടുത്തപ്പോഴാണ് അപകടം സംഭവിച്ചത്. ഈ സമയം സുര്‍ജിന്‍ മുന്നിലെ ബസില്‍നിന്ന് പുറത്തിറങ്ങിയതാണെന്ന് പറയപ്പെടുന്നു. ബസുകള്‍ക്കിടയില്‍ ഇയാള്‍ പെട്ടുപോവുകയായിരുന്നു.
അപകടം നടന്ന ഉടനെ സമീപത്തെ സ്വകാര്യ ആശുപത്രിയില്‍ പ്രാഥമിക ചികിത്സ നല്‍കിയ ശേഷം തിരൂരങ്ങാടി താലൂക്ക് ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. മൃതദേഹം താലൂക്കാശുപത്രി മോര്‍ച്ചറിയില്‍.അമ്മ ഗീത.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
