ആതവനാട് ഗ്രാമപ്പഞ്ചായത്തിൽ യോഗ പരിശീലനത്തിനുള്ള കെട്ടിടം തുറന്നു

ആതവനാട്: ആതവനാട് ഗ്രാമപ്പഞ്ചായത്തിൽ യോഗ പരിശീലനത്തിന് കെട്ടിടമായി. ഗ്രാമപ്പഞ്ചായത്ത് ആയുർവേദ ഡിസ്‌പെൻസറിക്കടുത്താണ് കെട്ടിടം നിർമിച്ചിട്ടുള്ളത്. ഇതോടെ പഞ്ചായത്തിൽ വനിതകൾക്കുള്ള യോഗ പരിശീലനത്തിന് തുടക്കമായി. ബ്ലോക്ക് വൈസ് പ്രസിഡന്റ് കെ.ടി. ആസാദ് ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്റ് ടി.പി. സിനോബിയ അധ്യക്ഷത വഹിച്ചു. വൈസ് പ്രസിഡന്റ് കെ.പി. ജാസർ, മെമ്പർമാരായ നാസർ പുളിക്കൽ, മുഞ്ഞിക്കൽ മുസ്തഫ, ഡോ. ഷമി റഹ്‌മത്തുള്ള എന്നിവർ പങ്കെടുത്തു.