റേഷൻ സ്തംഭനത്തിനെതിരേ ബി.ജെ.പി. കുറ്റിപ്പുറം മണ്ഡലം കമ്മിറ്റിയുടെ നേതൃത്വത്തിൽ വളാഞ്ചേരിയിൽ സായാഹ്നധർണ നടത്തി

കുറ്റിപ്പുറം : കിറ്റ് കൊടുത്ത് അധികാരത്തിൽ വന്നവരിപ്പോൾ റേഷൻകടകൾ പൂട്ടിയിട്ട് ജനങ്ങളോട് ക്രൂരത കാണിക്കുകയാണെന്ന് ബി.ജെ.പി. സംസ്ഥാന പ്രവർത്തകസമിതി അംഗം കെ.കെ. സുരേന്ദ്രൻ. ബി.ജെ.പി. കുറ്റിപ്പുറം മണ്ഡലം കമ്മിറ്റിയുടെ നേതൃത്വത്തിൽ റേഷൻ സ്തംഭനത്തിനെതിരേ വളാഞ്ചേരിയിൽ നടന്ന സായാഹ്നധർണ ഉദ്ഘാടനംചെയ്യുകയായിരുന്നു അദ്ദേഹം. മണ്ഡലം പ്രസിഡന്റ് കെ.ടി. അനിൽകുമാർ അധ്യക്ഷനായി. പി.പി. ഗണേശൻ, പി.പി. സുരേഷ്, പി. ഹരിദാസൻ, സുരേഷ്‌ പറത്തൊടി, വാസു കോട്ടപ്പുറം തുടങ്ങിയവർ പ്രസംഗിച്ചു.