വിദ്യാർഥിനി ആത്മഹത്യചെയ്തതിൽ പ്രതിഷേധിച്ച് മന്ത്രി കെ.ടി. ജലീലിന്റെ വസതിയിലേക്ക് മാർച്ച് നടത്തി ബി.ജെ.പി

വളാഞ്ചേരി: പഠനസൗകര്യങ്ങൾ ഇല്ലാത്തതിനാൽ മനംനൊന്ത് വിദ്യാർഥി ആത്മഹത്യചെയ്തതിൽ പ്രതിഷേധിച്ച് ഉന്നത വിദ്യാഭ്യാസ മന്ത്രി കെ.ടി. ജലീലിന്റെ വസതിയിലേക്ക് ബി.ജെ.പി. നിയോജകമണ്ഡലം കമ്മിറ്റി മാർച്ച് നടത്തി. ബി.ജെ.പി. മേഖലാപ്രസിഡന്റ് ഉണ്ണിക്കൃഷ്ണൻ ഉദ്ഘാടനം നിർവഹിച്ചു. നിയോജകമണ്ഡലം പ്രസിഡന്റ് സജീഷ് പൊന്മള അധ്യക്ഷതവഹിച്ചു. എം.കെ. ജയകുമാർ, ബാബു കാർത്തല, രഞ്ജിത്ത് കാടാമ്പുഴ, ജയ പ്രിയൻ, ഉണ്ണി വൈക്കത്തൂർ തുടങ്ങിയവർ പങ്കെടുത്തു.