വളാഞ്ചേരി നഗരസഭയിൽ വയോജനങ്ങൾക്കുള്ള കട്ടിൽ വിതരണം നടന്നു

വളാഞ്ചേരി :- വളാഞ്ചേരി നഗരസഭ 2022 -23 വാർഷിക പദ്ധതിയിൽ ഉൾപ്പെടുത്തി 450000 രൂപ വകയിരുത്തി വയോജനങ്ങൾക്കുള്ള കട്ടിൽ വിതരണം വി.എസ്.സി ബാങ്ക് പരിസരത്ത് വെച്ച് നടന്നു. പരിപാടി കോട്ടക്കൽ നിയോജക മണ്ഡലം എം.എൽ.എ പ്രൊഫ. ആബിദ് ഹുസൈൻ തങ്ങൾ ഉദ്ഘാടനം ചെയ്തു. നഗരസഭ ചെയർമാൻ അഷറഫ് അമ്പലത്തിങ്ങൾ അദ്ധ്യക്ഷത വഹിച്ചു. ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ ദീപ്തി ശൈലേഷ് സ്വാഗതം പറഞ്ഞു. നഗരസഭ സ്റ്റാന്റിംഗ് കമ്മിറ്റി ചെയർമാൻമാരായ സി.എം റിയാസ്, മുജീബ് വാലാസി, ഇബ്രാഹിം മാരാത്ത്, കൗൺസിലർ ഇ.പി അച്ചുതൻ, വി.എസ് സി ബാങ്ക് പ്രസിസണ്ട് സി.അബ്ദുന്നാസർ, ആസൂത്രണ സമിതി അംഗങ്ങളായ പറശ്ശേറി അസൈനാർ, സലാം വളാഞ്ചേരി, കെ.വി ഉണ്ണികൃഷ്ണൻ, എൻ.വേണുഗോപാൽ, സഫീർഷാ,മൂർക്കത്ത് മുസ്തഫ,നഗരസഭ സെക്രട്ടറി ഷെമീർ മുഹമ്മദ്, വെസ്‌റ്റേൺ പ്രഭാകരൻ, കെ.മുഹമ്മദലി, സുരേഷ് പൈങ്കണ്ണൂർ,വാർഡ് കൗൺസിലർമാർ തുടങ്ങിയവർ സംസാരിച്ചു. ഐ.സി.ഡി.എസ് സൂപ്പർ വൈസർ അമ്പിളി ഉണ്ണികൃഷ്ണൻ നന്ദി പറഞ്ഞു.