എം.ഡി.സി ബാങ്ക്: അഷ്റഫ് അമ്പലത്തിങ്ങല്‍ പ്രസിഡൻറ്, പി.ടി. അജയമോഹന്‍ വൈസ് പ്രസിഡൻറ്
മലപ്പുറം: സംസ്ഥാനത്തെ ഏക ജില്ല സഹകരണ ബാങ്കായ എം.ഡി.സി ബാങ്കിൻെറ പ്രസിഡൻറായി യു.ഡി.എഫിലെ അഷ്റഫ് അമ്പലത്തിങ്ങലും വൈസ് പ്രസിഡൻറായി പി.ടി. അജയമോഹനും തെരഞ്ഞെടുക്കപ്പെട്ടു. വ്യാഴാഴ്ച ചേര്‍ന്ന ഡയറക്ടര്‍ ബോർഡ് യോഗമാണ് ഇവരെ തെരഞ്ഞെടുത്തത്. 2017 ഏപ്രില്‍ ഒന്നുമുതല്‍ സെപ്റ്റംബര്‍ 25 വരെ അഡ്മിനിസ്‌ട്രേറ്റര്‍ ഭരണമാണ് ബാങ്കില്‍ നിലവിലുണ്ടായിരുന്നത്. ഹൈകോടതി ഉത്തരവിനെ തുടര്‍ന്ന് 25ന് തെരഞ്ഞെടുപ്പ് നടക്കുകയും ഡയറക്ടര്‍ ബോര്‍ഡ് അഡ്മിനസ്‌ട്രേറ്ററില്‍നിന്ന് അധികാരം ഏറ്റെടുക്കുകയുമായിരുന്നു. 130 അംഗ ജനറല്‍ ബോർഡിയില്‍ 98 പേരും യു.ഡി.എഫിനെയാണ് പിന്തുണക്കുന്നത്. പി.ടി. അജയമോഹന്‍, ടി.പി. അനുരാധ, അബ്ദുല്‍ മജീദ് പറവട്ടി, എം.പി. അബ്ദുറഹ്മാന്‍, ഇ. അബൂബക്കര്‍, അഷ്റഫ് അമ്പലത്തിങ്ങല്‍, അഡ്വ. കെ. അസ്ഗറലി, കുട്ടിക്കമ്മു അച്ചമ്പാട്ട്, കെ. കബീര്‍, ഗോപാലകൃഷ്ണന്‍, കെ.പി. ജുമൈല, സി. നസീര്‍ അഹമ്മദ്, എം.കെ. ബാലകൃഷ്ണന്‍, ടി. മരക്കാര്‍ കുട്ടി, പി.കെ. മുഹമ്മദ്, പി.പി. യൂസഫലി, അഡ്വ. യു.എ. ലത്തീഫ്, പി.വി. സീനത്ത് എന്നിവരാണ് ഭരണസമിതി അംഗങ്ങള്‍.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
