ഇരിമ്പിളിയം ഗ്രാമപ്പഞ്ചായത്തിൽ പേവിഷബാധ നിർമാർജനയജ്ഞം തുടങ്ങി

ഇരിമ്പിളിയം: ‘പ്രതിരോധമാണ് പരിഹാരം’ കാമ്പയിന്റെ ഭാഗമായി ഇരിമ്പിളിയം ഗ്രാമപ്പഞ്ചായത്തിൽ പേവിഷബാധ നിർമാർജനയജ്ഞം തുടങ്ങി. പ്രസിഡന്റ് കെ. മാനുപ്പ ഉദ്ഘാടനം ചെയ്തു. വി.ടി. അമീർ അധ്യക്ഷത വഹിച്ചു. വെറ്ററിനറി ഡോക്ടർ ജിതേഷ് തൊട്ടിയിൽ വളർത്തുനായയ്ക്ക് കുത്തിവെപ്പ് നൽകി യജ്ഞത്തിന് തുടക്കംകുറിച്ചു. പഞ്ചായത്ത് അസിസ്റ്റന്റ് സെക്രട്ടറി സുനിൽകുമാർ, ലൈവ് സ്റ്റോക്ക് ഇൻസ്പെക്ടർമാർ തുടങ്ങിയവർ പങ്കെടുത്തു.