സി.പി.എം ഏരിയാ സെക്രട്ടറിക്കെതിരെ അപവാദം: ഒരാള്‍ അറസ്റ്റില്‍
സി.പി.എം താനൂര്‍ ഏരിയാ സെക്രട്ടറിക്കെതിരെ അപവാദപ്രചാരണം നടത്തിയ കേസില്‍ ഒരാള്‍ അറസ്റ്റില്‍. മുസ്ലിംലീഗ് പ്രവര്‍ത്തകനായ അന്‍വര്‍ ഉണ്ണ്യാലിനെയാണ് വളാഞ്ചേരി സി.ഐ വി.എ. ഉല്ലാസ് അറസ്റ്റ് ചെയ്തത്. സംഭവവുമായി ബന്ധപ്പെട്ട് ഇന്‍ഫര്‍മേഷന്‍ ടെക്‌നോളജി ആക്ട് പ്രകാരം ഒമ്പതുപേര്‍ക്കെതിരെയാണ് കേസ് രജിസ്റ്റര്‍ചെയ്തിട്ടുള്ളത്.
നവമാധ്യമങ്ങള്‍ ഉപയോഗിച്ചും അല്ലാതെയും ഇത്തരത്തില്‍ വ്യക്തിഹത്യ നടത്തുന്നവര്‍ക്കെതിരെ കര്‍ശന നടപടികള്‍ തുടരുമെന്ന് സി.ഐ പറഞ്ഞു. മൂന്നുവര്‍ഷം തടവും പിഴയും വരെ ലഭിക്കാവുന്ന കുറ്റമാണ് പ്രതികള്‍ക്കെതിരെയുള്ളത്.
ഇന്‍ഫര്‍മേഷന്‍ ടെക്‌നോളജി പ്രകാരമുള്ള കേസായതിനാല്‍ നടപടിക്രമങ്ങള്‍ പൂര്‍ത്തിയാക്കി വരുംദിവസങ്ങളില്‍ കൂടുതല്‍ അറസ്റ്റുകള്‍ നടക്കുമെന്ന് പോലീസ് പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
