നടൻ അനിൽ നെടുമങ്ങാട് മുങ്ങിമരിച്ചു

തിരുവനന്തപുരം: നടൻ അനിൽ നെടുമങ്ങാട് മുങ്ങിമരിച്ചു. തൊടുപുഴക്ക് സമീപം മലങ്കര ജലാശയത്തിൽ നീന്തവെ കയത്തിൽപ്പെട്ട് മുങ്ങിമരിക്കുകയായിരുന്നു എന്നാണു പ്രാഥമിക വിവരം. 48 വയസായിരുന്നു. നടൻ കുളിക്കാനായി ഇറങ്ങിയപ്പോഴാണ് കയത്തിൽ പെടുന്നത്. അയ്യപ്പനും കോശിയും, കമ്മട്ടിപ്പാടം തുടങ്ങിയ സിനിമയിൽ പ്രധാന നടനായി അഭിനയിച്ചിട്ടുണ്ട്. സിനിമാ ഷൂട്ടിങ്ങുമായി തൊടുപുഴയിൽ എത്തിയതായിരിന്നു.

അദ്ദേഹത്തിന്റെ മൃതദേഹം രക്ഷാപ്രവര്‍ത്തകര്‍ കരയ്ക്ക് എത്തിച്ചിട്ടുണ്ട്. സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിലെ സി.ഐയുടെ റോളിൽ ഗംഭീര പ്രകടനം നടത്തി അനിൽ നിരൂപക പ്രശംസ നേടിയിരുന്നു. സച്ചിയുടെ ജന്മദിനമായ ഇന്ന് അദ്ദേഹത്തിന് അനുശോചനം നേര്‍ന്ന് മണിക്കൂറുകൾ മുൻപാണ് അനിൽ ഫേസ്ബുക്കിൽ പോസ്റ്റിട്ടിരുന്നു.