ദേശീയപാത: സ്ഥലം നഷ്ടമാകുന്നവരുടെ യോഗം നടത്തി

വളാഞ്ചേരി: ദേശീയപാത വികസനത്തിൽ ഭൂമിയും വീടും നഷ്ടമാകുന്നവരുടെ ആശങ്കയകറ്റാൻ ലാൻഡ് അക്വിസിഷൻ വിഭാഗത്തിന്റെ നേതൃത്വത്തിൽ യോഗം നടത്തി. പാത കടന്നുപോകുന്ന സ്ഥലത്തെ താമസക്കാരായ, കാട്ടിപ്പരുത്തി വില്ലേജിനു കീഴിലുള്ളവർ യോഗത്തിൽ പങ്കെടുത്തു.

നഷ്ടപരിഹാരത്തെ സംബന്ധിച്ച ആശങ്കകളും അലൈൻമെന്റ് മാറ്റവും വീടുകൾ ഇല്ലാതാകുന്നതിന്റെ വിഷമവും അവർ പങ്കുവച്ചു. നഷ്ടപരിഹാരത്തുക നൽകുന്നതുവരെ നിലവിലുള്ള സർവേ നിർത്തിവയ്ക്കണമെന്ന ആവശ്യവും ഭൂവുടമകൾ ഉന്നയിച്ചു. ദേശീയപാത ലാൻഡ് അക്വിസിഷൻ വിഭാഗം ഡപ്യൂട്ടി കലക്ടർ ഡോ. ജെ.ഒ.അരുൺ, നഗരസഭാധ്യക്ഷ എം.ഷാഹിന, തഹസിൽ‌ദാർ എ.രാധ തുടങ്ങിയവർ സംബന്ധിച്ചു.