HomeNewsCrimeകുറ്റിപ്പുറത്ത് ഹോട്ടലിൽ മോഷണത്തിനെത്തിയയാൾ ക്യാമറയിൽ പതിഞ്ഞതു കണ്ട് മോണിറ്ററുമായി കടന്നു!

കുറ്റിപ്പുറത്ത് ഹോട്ടലിൽ മോഷണത്തിനെത്തിയയാൾ ക്യാമറയിൽ പതിഞ്ഞതു കണ്ട് മോണിറ്ററുമായി കടന്നു!

crime-banner

കുറ്റിപ്പുറത്ത് ഹോട്ടലിൽ മോഷണത്തിനെത്തിയയാൾ ക്യാമറയിൽ പതിഞ്ഞതു കണ്ട് മോണിറ്ററുമായി കടന്നു!

വളാഞ്ചേരി ഓൺലൈനിൽ വാർത്തകൾ നൽകാൻ +919995926236 എന്ന നമ്പറിൽ വാട്സാപ് ചെയ്യൂ.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ https://t.me/vlyonline


മോഷണംനടത്തുന്നത് സി.സി.ടി.വി. കാമറയില്‍ പതിഞ്ഞതോടെ മോണിറ്ററുമെടുത്ത് കള്ളന്‍ സ്ഥലംവിട്ടു. കുറ്റിപ്പുറം ടൗണിലെ അന്നപൂര്‍ണ ഹോട്ടലില്‍ ശനിയാഴ്ച പുലര്‍ച്ചെയാണ് മോഷണം നടന്നത്.

പിന്‍ഭാഗത്തെ ഗ്രില്ലിന്റെ പൂട്ട്തകര്‍ത്താണ് മോഷ്ടാവ് അകത്തുകടന്നത്. അടുക്കളയിലൂടെ കാഷ് കൗണ്ടറിലെത്തിയ മോഷ്ടാവ് മേശവലിപ്പില്‍ നിന്ന് 30 രൂപ പോക്കറ്റിലാക്കി. അടുക്കളയില്‍നിന്ന് കത്തി എടുത്തുകൊണ്ടുവന്നാണ് മേശയുടെ വലിപ്പ് തുറന്നത്. മറ്റൊരു വലിപ്പില്‍ 12000 രൂപയോളം സൂക്ഷിച്ചിരുന്നെങ്കിലും അത് തുറക്കാനായില്ല. അടുക്കളയില്‍നിന്ന് ചട്ടുകം എടുത്തുകൊണ്ടുവന്ന് വലിപ്പ് തുറക്കാന്‍ ശ്രമിച്ചെങ്കിലും നടന്നില്ല.

പാന്റും ഷര്‍ട്ടും ധരിച്ചെത്തിയ മോഷ്ടാവ് അരമണിക്കൂറോളം ഹോട്ടലില്‍ ചെലവിട്ടു. ഇതിനിടെയാണ് കാമറ ശ്രദ്ധയില്‍പെട്ടത്. കാമറ മറ്റൊരു ഭാഗത്തേയ്ക്ക് തിരിച്ചുവെച്ചതിനുശേഷം മുഖം മറച്ചാണ് പിന്നീട് മേശവലിപ്പ് തുറക്കാന്‍ നോക്കിയത്. തുറക്കില്ലെന്നായതോടെ ശ്രമം ഉപേക്ഷിക്കുകയായിരുന്നു. പിന്നീട് മേശയ്ക്ക് മുകളിലിരുന്ന മോണിറ്ററുമെടുത്ത് സ്ഥലംവിട്ടു. ഹോട്ടലിലെ വിവിധ ഭാഗങ്ങളില്‍ സ്ഥാപിച്ചിട്ടുള്ള കാമറയുടെ ദൃശ്യങ്ങള്‍ ഈ മോണിറ്ററിലാണ് കണ്ടിരുന്നത്.

കാമറയുടെ ഹാര്‍ഡ് ഡിസ്‌ക് മറ്റൊരു സ്ഥലത്താണ് സ്ഥാപിച്ചിരുന്നത്. അടുക്കള ഭാഗത്തും കാഷ് കൗണ്ടറിലും സ്ഥാപിച്ച രണ്ട് കാമറകളിലാണ് ദൃശ്യങ്ങള്‍ പതിഞ്ഞത്. കയ്യില്‍ കരുതിയിരുന്ന ടര്‍ക്കി ഉപയോഗിച്ച് സ്​പര്‍ശിച്ച ഭാഗങ്ങളെല്ലാം തുടച്ച് വിരലടയാളങ്ങള്‍ നശിപ്പിച്ചാണ് കള്ളന്‍ സ്ഥലംവിട്ടത്.

കാമറയില്‍ പതിഞ്ഞ യുവാവിന് 35 വയസ്സ് തോന്നിക്കും. മോഷ്ടാവിന്റെ ചിത്രം സഹിതം കുറ്റിപ്പുറം പോലീസില്‍ പരാതി നല്‍കിയിട്ടുണ്ട്.

Summary: The thief who came to rob a hotel at kuttippuram stole the monitor which showed him instead of the harddisk that records the theft.

No Comments

Leave A Comment