അനിയിന്ത്രിത വിലകയറ്റം; എടയൂർ കരേകാട് മാവേലി സ്റ്റോറിലേക്ക് മാർച്ചും ധർണ്ണയും സംഘടിപ്പിച്ചു യൂത്ത് ലീഗ്

എടയൂർ: അനിയന്ത്രിത വിലക്കയറ്റത്തിനെതിരെ മുസ്ലിം യൂത്ത് ലീഗ് എടയൂർ പഞ്ചായത്ത് കമ്മിറ്റി കരേക്കാട് പാടത്തെപീടിക സപ്ലൈകോ മാവേലി സ്റ്റോറിലേക്ക് പ്രതിഷേധ മാർച്ചും ധർണ്ണയും സംഘടിപ്പിച്ചു. മുസ്‌ലിം ലീഗ് പഞ്ചായത്ത് വൈസ് പ്രസിഡന്റ് റഷീദ് കിഴിശ്ശേരി ധർണ്ണ ഉദ്ഘടനം ചെയ്ത് സംസാരിച്ചു. ജനങ്ങളുടെ നികുതിപ്പണം ധൂർത്തടിക്കുന്ന ഇടതുപക്ഷ ഗവണ്മെന്റ് ജനക്ഷേമ പ്രവർത്തനങ്ങളിൽ നിന്ന് ഒളിച്ചോടുകയും പൊതുമേഖലാ സ്ഥാപനങ്ങൾ പൂട്ടുന്നതിന്റെ വക്കിലെത്തിച്ചുവെന്നും അദ്ദേഹം കൂട്ടിച്ചേർത്തു.മുസ്‌ലിം ലീഗ് പഞ്ചായത്ത് സെക്രട്ടറി നൗഫൽ കലമ്പൻ,യൂത്ത് ലീഗ് മണ്ഡലം വൈസ് പ്രസിഡന്റ് ശിഹാബ് എൻ ടി,സെക്രട്ടറി ജംഷീദ് ടി കെ,മുസ്‌ലിം യൂത്ത് ലീഗ് പഞ്ചായത്ത് ജനറൽ സെക്രട്ടറി മുനീർ സി സി,വൈസ് പ്രസിഡന്റുമാരായ അൽത്താഫുസ്സൈൻ,റഫീഖ് മണ്ണത്,സെക്രട്ടറി ഹാരിസ് എൻ ടി,മുഹമ്മദ്,നാസർ എൻ ടി,ഉണ്ണീൻ,ഷെരീഫ് ടിപി,അഷ്‌റഫ് കെ,റിയാസ് വി പി,ഷാഫി,അബുതാഹിർ എന്നിവർ നേതൃത്വം നൽകി.