കൽപകഞ്ചേരി ജില്ലാ ആയുർവേദ ആസ്പത്രിയിൽ കോവിഡ് വാക്സിനേഷൻ നൽകി തുടങ്ങി
കൽപകഞ്ചേരി: ജില്ലാ ആയുർവേദ ആസ്പത്രിയിൽ കോവിഡ് വാക്സിനേഷൻ നൽകൽ തുടങ്ങി. ആദ്യ ഡോസ് വളവന്നൂർ കുടുംബാരോഗ്യ കേന്ദ്രത്തിലെ മെഡിക്കൽ ഓഫീസർ ഡോ.വി.പി.അഹമ്മദ് കുട്ടി സ്വീകരിച്ചു. ഒരു ദിവസം 30 പേർക്കാണ് നൽകുന്നത്. ആഴ്ചയിൽ നാല് ദിവസം വാക്സിൻ നൽകും. ജില്ലാ ആയുർവേദ ആശുപത്രിയിൽ നടന്ന ചടങ്ങിൽ ജില്ലാ പഞ്ചായത്ത് ആരോഗ്യ സ്റ്റാൻ്റിങ് കമ്മിറ്റി ചെയർപേഴ്സൺ മയ്യേരി നസീബ അസീസ്, മെഡിക്കൽ ഓഫീസർ ഡോ. ആശ, ജില്ലാ മാസ് മീഡിയ ഓഫീസർ പി.രാജു, ബ്ലോക്ക് ആരോഗ്യ കേന്ദ്രം മെഡിക്കൽ ഓഫീസർ ഡോ.അഹമ്മദ് കുട്ടി, ഹെൽത്ത് സൂപ്പർവൈസർ ഡോ.നന്ദകുമാർ, കോട്ടക്കൽ ആയുർവേദ കോളേജ് പ്രിൻസിപ്പൽ ഡോ.ജയദേവൻ, കോളേജ് സൂപ്രണ്ട് ഡോ.ജിതേഷ് എന്നിവർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
