മന്ത്രി കെ.ടി. ജലീലിന്റെ രാജിയാവശ്യപ്പെട്ട് യു.ഡി.വൈ.എഫ്. പ്രവർത്തകർ ചമ്രവട്ടം പാലം ഉപരോധിച്ചു

തവനൂർ: യു.ഡി.വൈ.എഫ്. തവനൂർ നിയോജകമണ്ഡലം കമ്മിറ്റി ചമ്രവട്ടം പാലം ഉപരോധിച്ചു. ചമ്രവട്ടം പാലത്തിന്റെ ചോർച്ച അടക്കൽ നിർത്തി കഴിഞ്ഞദിവസം യന്ത്രങ്ങൾ കൊണ്ടുപോകാൻ ശ്രമിച്ചതിലും ബന്ധുനിയമനവുമായി ബന്ധപ്പെട്ടുള്ള ലോകായുക്ത വിധിയുടെ പശ്ചാത്തലത്തിൽ മന്ത്രി കെ.ടി. ജലീൽ രാജി വെക്കണമെന്നാവശ്യപ്പെട്ടുമായിരുന്നു പ്രതിഷേധം.

ചമ്രവട്ടം പാലം ചോർച്ച അടയ്ക്കൽ നാടകം നടത്തി ജനങ്ങളെ കബളിപ്പിച്ച മന്ത്രി ജനങ്ങളോട് മാപ്പ് പറയണമെന്നും നേതാക്കൾ ആവശ്യപ്പെട്ടു. ഉപരോധസമരം യൂത്ത് കോൺഗ്രസ് സംസ്ഥാന ജനറൽസെക്രട്ടറി ഇ.പി. രാജീവ് ഉദ്ഘാടനം ചെയ്തു. ജില്ലാ യൂത്ത് ലീഗ് ഉപാധ്യക്ഷൻ ഐ.പി.എ. ജലീൽ അധ്യക്ഷതവഹിച്ചു. കുഞ്ഞിപ്പ ഹാജി കാലടി മുഖ്യപ്രഭാഷണം നടത്തി. ഷെഫീഖ് കൈമലശ്ശേരി, ജംഷീർ കൈനീക്കര, സിറാജ് പത്തിൽ, ടി.എം. മനീഷ്, ടി. രജ്ഞിത്, ചെമ്മല അഷറഫ്, പി.പി. ഫൈസൽ എന്നിവർ പ്രസംഗിച്ചു.