നീറ്റ്; മലപ്പുറം ജില്ലയിലെ രണ്ട് നീറ്റ് പരീക്ഷാകേന്ദ്രങ്ങളിൽ മാറ്റം
കോട്ടയ്ക്കൽ : ഞായറാഴ്ച നടക്കുന്ന നീറ്റ് പരീക്ഷയിൽ ജില്ലയിലെ രണ്ട് കേന്ദ്രങ്ങളിൽ മാറ്റം. കോവിഡ് ക്രമീകരണങ്ങളുമായി ബന്ധപ്പെട്ടാണ്‌ പരീക്ഷാകേന്ദ്രങ്ങളിൽ മാറ്റംവരുത്തിയത്. എം.ഐ.സി. ചെറുകരയിലെ 360 വിദ്യാർഥികളെ നിലമ്പൂർ ഫാത്തിമഗിരി സ്കൂളിലേക്കും വളാഞ്ചേരി എൻ.കെ. മുഹമ്മദ്‌ മെമ്മോറിയൽ എം.ഇ.എസ്. സ്കൂളിൽ പരീക്ഷയുള്ള 300 വിദ്യാർഥികളെ പുഴക്കാട്ടിരി പാറക്കോട്ടിൽ ഇംഗ്ലീഷ് മീഡിയം സ്കൂളിലേക്കുമാണ് മാറ്റിയത്. നാഷണൽ ടെസ്റ്റിങ് ഏജൻസി അധികൃതർ പരീക്ഷാർഥികളെ നേരിൽ വിവരമറിയിച്ചിട്ടുണ്ട്. കുട്ടികൾ പുതിയ ഹാൾടിക്കറ്റുകൾ ഡൗൺലോഡ് ചെയ്യണമെന്ന് എൻ.ടി.എ. മലപ്പുറം സിറ്റി കോ-ഓർഡിനേറ്റർ കെ. ഉണ്ണിക്കൃഷ്ണൻ, സഹോദയ പ്രസിഡന്റ്‌ എം. അബ്ദുൽനാസർ എന്നിവർ അറിയിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
