വട്ടപ്പാറയിൽ പാചകവാതക ടാങ്കർ മറിഞ്ഞു; ദേശീയ പാതയിൽ ഗതാഗതം തടസ്സപ്പെട്ടു

വളാഞ്ചേരി: ദേശീയ പാതയിലെ വട്ടപ്പാറയിൽ ഗ്യാസ് ടാങ്കർ അപകടത്തിൽ പെട്ടു. സ്ഥിരം അപകടമേഖലയായ മുടിപിൻ വളവിലാണ് നിയന്ത്രണം വിട്ട ടാങ്കർ ലോറി മറിഞ്ഞത്. അപകടത്തെ തുടർന്ന് ഇതു വഴിയുള്ള ഗതാഗതം പൂർണമായി തടസപ്പെട്ടു. അപകടത്തിൽ ടാങ്കർ ലോറി ഡ്രൈവർക്ക് നിസാര പരിക്കേറ്റു. ഇയാളെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു, സംഭവസ്ഥലത്തേക്ക് തിരൂരിൽ നിന്നും മലപ്പുറത്ത് നിന്നും രണ്ട് യൂണിറ്റ് ഫയർ ഫോഴ്സ് സംഘങ്ങൾ എത്തി. ഐ.ഒ.സിയിൽ നിന്ന് വിദഗ്ദർ സ്ഥലത്തെത്തി ചോർച്ചയില്ലെന്ന് സ്ഥിഥീകരിച്ച ശേഷം മാത്രമേ മറ്റു നടപടികൾ സ്വീകരിക്കൂ എന്ന് ബന്ധപ്പെട്ടവർ അറിയിച്ചു.വളാഞ്ചേരി എസ്.എച്ച്.ഒ ടി മനോഹരന്റെ നേതൃത്വത്തിലുള്ള പോലീസ് സംഘം സ്ഥലത്ത് ക്യാമ്പ് ചെയ്യുന്നു.