HomeNewsPoliticsഡിവൈഎഫ്ഐ ദീപശിഖാ ജാഥക്ക് വളാഞ്ചേരിയില്‍ ഉജ്വല വരവേല്‍പ്പ്

ഡിവൈഎഫ്ഐ ദീപശിഖാ ജാഥക്ക് വളാഞ്ചേരിയില്‍ ഉജ്വല വരവേല്‍പ്പ്

ഡിവൈഎഫ്ഐ ദീപശിഖാ ജാഥക്ക് വളാഞ്ചേരിയില്‍ ഉജ്വല വരവേല്‍പ്പ്

വളാഞ്ചേരി:ഡിവൈഎഫ്ഐ അഖിലേന്ത്യാ സമ്മേളന നഗരിയില്‍ തെളിക്കുന്നതിനുള്ള ദീപശിഖാ ജാഥക്ക് വളാഞ്ചേരിയില്‍

ഉജ്വല സ്വീകരണം. കൂത്തുപറമ്പ് രക്തസാക്ഷികളുടെ സ്മൃതിമണ്ഡപത്തില്‍നിന്ന് പ്രയാണമാരംഭിച്ച് കണ്ണൂര്‍, കോഴിക്കോട് ജില്ലകളിലെ പര്യടനം പൂര്‍ത്തിയാക്കിയാണ് ജാഥ മലപ്പുറത്തേക്ക് കടന്നത്.  അഖിലേന്ത്യാ വൈസ് പ്രസിഡന്റ് പ്രീതി ശേഖറിന്റെ നേതൃത്വത്തിലുള്ള ദീപശിഖാ ജാഥയെ ജില്ലാ അതിര്‍ത്തിയായ ഇടിമൂഴിക്കലില്‍വച്ച് സിപിഐ എം ജില്ലാ സെക്രട്ടറിയറ്റംഗം ഇ എന്‍ മോഹന്‍ദാസ്, ഡിവൈഎഫ്ഐ ജില്ലാ സെക്രട്ടറി പി കെ അബ്ദുള്ള നവാസ്, പ്രസിഡന്റ് എം ബി ഫൈസല്‍, സംസ്ഥാന കമ്മിറ്റിയംഗം വി ടി സോഫിയ, സിപിഐ എം കൊണ്ടോട്ടി ഏരിയാ സെക്രട്ടറി എന്‍ രാജന്‍ എന്നിവരുടെ നേതൃത്വത്തില്‍ ജില്ലയിലേക്ക് ആനയിച്ചു. തുടര്‍ന്ന് കക്കാട്, ചങ്കുവെട്ടി എന്നിവിടങ്ങളിലെ സ്വീകരണങ്ങള്‍ക്കുശേഷം വളാഞ്ചേരിയില്‍ സമാപിച്ചു.

വളാഞ്ചേരിയില്‍ സിപിഐ എം ജില്ലാ സെക്രട്ടറിയറ്റംഗം വി പി സക്കറിയ, ഏരിയാ സെക്രട്ടറി കെ പി ശങ്കരന്‍ എന്നിവരുടെ നേതൃത്വത്തില്‍ ജാഥയെ സ്വീകരിച്ചു. ജാഥാ ലീഡര്‍ പ്രീതി ശേഖര്‍, സംസ്ഥാന ജോ. സെക്രട്ടറി വി പി റജീന, ജില്ലാ സെക്രട്ടറി പി കെ അബ്ദുള്ള നവാസ്, പ്രസിഡന്റ് എം ബി ഫൈസല്‍, സംസ്ഥാന കമ്മിറ്റിയംഗം വി ടി സോഫിയ എന്നിവര്‍ സംസാരിച്ചു.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!