തിരുവേഗപ്പുറ മഹാദേവ ക്ഷേത്രത്തിലെ ഉത്സവം സമാപിച്ചു

തിരുവേഗപ്പുറ: തിരുവേഗപ്പുറ മഹാദേവ ക്ഷേത്രത്തിലെ ഈ വർഷത്തെ ഉത്സവത്തിന് സമാപനം. ഫെബ്രുവരി 26ന് തുടങ്ങിയ ഉത്സവത്തിനാണ് ബുധനാഴ്ച രാവിലെ 9 മണിയോടെ സമാപമായത്. രാവിലെ 4 മണിയോടെ പള്ളിക്കുറുപ്പുണർത്തലോടെ സമപന ദിവസത്തെ ചടങ്ങുകൾ അരംഭിച്ചു. തുടർന്ന് നിർമ്മാല്യ ദർശനം, മുളയെടുക്കൽ, ഗണപതിഹോമം, ഉഷപൂജ, യാത്രാബലി എന്നീ ചടങ്ങുകൾക്ക് ശേഷം ആറാട്ടിനെഴുന്നള്ളിച്ചു.

ആറാട്ടിന് ശേഷം കലശവും ശ്രീഭൂതബലിയോടെയും ചടങ്ങുകൾക്ക് സമാപനമായി. എട്ട് ദിവസങ്ങലായി നടന്ന ഉത്സവത്തിൽ നൃത്തശില്പം, നൃത്താർച്ചന, കൈക്കൊട്ടിക്കളി, കഥകളി തുടങ്ങിയ കലാപരിപാടികൾ ക്ഷേത്രത്തിൽ അരങ്ങേറിയിരുന്നു.