വളാഞ്ചേരിയിൽ ഓട്ടോ-ടാക്സി ഡ്രൈവർമാരുടെ സമരം മൂന്നാം ദിവസത്തിലേക്ക്

വളാഞ്ചേരി: ട്രാഫിക് റെഗുലേറ്ററി കമ്മിറ്റിയുടെ തീരുമാനങ്ങൾ പുനഃപരിശോധിക്കണമെന്നാവശ്യപ്പെട്ട് വളാഞ്ചേരിയിൽ മോട്ടോർ കോ-ഓർഡിനേഷൻ കമ്മിറ്റിയുടെ നേതൃത്വത്തിൽ ഓട്ടോറിക്ഷകളും ടാക്‌സികളും അനിശ്ചിതകാലസമരം മൂന്നാം ദിവസത്തിലേക്ക്. റഗുലേറ്ററി കമ്മിറ്റിയുടെ ഏകപക്ഷീയമായ തീരുമാനം പിൻവലിക്കണമെന്നാണ് തൊഴിലാളികളുടെ ആവശ്യം.

വാഹനങ്ങളുടെ പാർക്കിങ്ങിന് പകരം സംവിധാനം ഒരുക്കാതെയാണ് തീരുമാനം കൈക്കൊണ്ടതെന്ന് കോ-ഓർഡിനേഷൻ ഭാരവാഹികൾ ആരോപിച്ചു. പ്രതിഷേധപ്രകടനത്തിന് എം. ജയകുമാർ, സി.പി. മുഹമ്മദാലി, കെ. ഷാജി, എം.വി. ഷാഹുൽ ഹമീദ്, ബാലകൃഷ്ണൻ, മുഹമ്മദ്കുട്ടി തുടങ്ങിയവർ നേതൃത്വം നൽകി.