കേരളോത്സവം-2019; വളാഞ്ചേരി നഗരസഭയിലെ യൂത്ത് ക്ലബ്ബുകളുടെ വിപുലമായ യോഗം നാളെ

വളാഞ്ചേരി: കേരള സംസ്ഥാനത്തെ യുവജനങ്ങളുടെ കലാപരവും സാംസ്കാരികവും കായികവുമായ കഴിവുകളെ പരിപോഷിപ്പിക്കുന്നതിന് വേണ്ടി സംസ്ഥാന യുവജനക്ഷേമ ബോർഡിന്റെ നേതൃത്വത്തിൽ നടത്തി വരുന്ന കേരളോത്സവം ഈ വർഷവും അതിവിപുലമായി നടത്തുവാൻ വളാഞ്ചേരി നഗരസഭ തീരുമാനിച്ചു.
കേരളോത്സവം 2019 ന്റെ സംമ്പൂർണ വിജയത്തിന് വേണ്ടിയുള്ള ഒക്ടോബർ 16 ബുധൻ, കാലത്ത് 10.30 ന് നഗരസഭ കോൺഫ്രൻസ് ഹാളിൽ വച്ച് യോഗം ചേരും. യോഗത്തിൽ വളാഞ്ചേരി നഗരസഭയിൽ പ്രവർത്തിച്ച് വരുന്ന റെജിസ്റ്റർ ചെയ്തതും അല്ലാത്തതുമായ ക്ലബ്ബ് പ്രസിഡന്റ്, സെക്രട്ടറിമാരും രാഷ്ട്രീയ പാർട്ടികളുടെ യുവജനവിഭാഗങ്ങളുടെ ഭാരവാഹികൾ, അധ്യാപകർ, കായിക അധ്യാപകർ, കുടുംബശ്രീ പ്രവർത്തകർ, സാമൂഹിക-സാംസ്‌കാരിക പ്രവർത്തകർ, പൊതുപ്രവർത്തകർ, തുടങ്ങിയവർ പങ്കെടുക്കുമെന്ന് ചെയർപേഴ്സൺ റുഫീന സി.കെ അറിയിച്ചു. നഗരസഭ സെക്രട്ടറി സുനിൽ കുമാർ, വിദ്യഭ്യാസ-കലാ-കായികകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ഷഫീന സി തുടങ്ങിയവർ സംബന്ധിച്ചു.