മാലിന്യപ്രശ്നം; വളാഞ്ചേരിയിൽ മത്സ്യമാർക്കറ്റിന്റെ പ്രവർത്തനം നിർത്തിവക്കുന്നു

വളാഞ്ചേരി: മാലിന്യപ്രശ്നത്തെ തുടർന്ന് വളാഞ്ചേരിയിലെ മത്സ്യമാർക്കറ്റിന്റെ പ്രവർത്തനം നിർത്തിവക്കുന്നു. മലിന്യപ്രശ്നം രൂക്ഷമായതിനെ തുടർന്ന് വലിയ രിതിയിൽ ഉള്ള പ്രതിഷേധങ്ങൾക്ക് നഗരം സാക്ഷ്യം വഹിച്ചിരുന്നു. ഇതിന്റെ തുടർന്ന് തിങ്കളാഴ്ച രാത്രിയോടെ മർക്കറ്റിലെ മാലിന്യടാങ്കുകളിലെ നിറഞ്ഞ വെള്ളം അടിച്ച് വറ്റിക്കുകയും ചൊവ്വാഴ്ച ചേർന്ന നഗരസഭാ യോഗത്തിൽ മറ്റു പ്രശ്നപരിഹാര പ്രവർത്തനങ്ങൾ നടത്തുവാൻ തീരുമാനിക്കുകയും ചെയ്തു.

ഈ പ്രവർത്തങ്ങൾ ആഗസ്റ്റ് ഒന്ന് മുതൽ തുടങ്ങുമെന്നും അന്നേ ദിവസം മുതൽ മത്സ്യമാർക്കറ്റിന്റെ പ്രവർത്തനം താത്കാലികമായി നിർത്തിവക്കുവാൻ നഗരസഭാ സെക്രട്ടറി പുറപ്പെടുവിച്ച നോട്ടീസിൽ പറയുന്നു.