കുറ്റിപ്പുറം നൊട്ടനാലുക്കൽ ദേശതാലപ്പൊലി‌ നാളെ കൊടിയേറും

കുറ്റിപ്പുറം: നൊട്ടനാലുക്കൽ ഭഗവതീക്ഷേത്രത്തിലെ ദേശതാലപ്പൊലി മഹോത്സവത്തിന് ഞായറാഴ്ച കൊടിയേറും. 14-നാണ് ദേശതാലപ്പൊലി. കോവിഡ് മാനദണ്ഡം പാലിച്ച് ചടങ്ങുകൾ മാത്രമായിട്ടായിരിക്കും ഇത്തവണ ഉത്സവം നടത്തുക. ഞായറാഴ്ച ഒൻപതിനാണ് കൊടിയേറ്റം. 9.30-ന് പൊങ്കാലയുണ്ടാകും. ഇത്തവണ തലപ്പൊങ്കാല മാത്രമേ ഉണ്ടാകൂ. 13-നാണ് പറയെടുപ്പ്. ദാശതാലപ്പൊലി ദിവസം പറനിറപ്പ്, പഞ്ചാരിമേളം, നൊട്ടനാൽത്തറമേളം, പൂതൻ, തിറ കാവുതീണ്ടൽ, കാളവേല, പാതിരാതാലം എഴുന്നള്ളിപ്പ് തുടങ്ങിയവയുണ്ടാകും. 15-ന് ദേശക്കാരുടെ ചവിട്ടുകളിയുമുണ്ടാകും.