HomeNewsReligionസാമൂഹ്യവിരുദ്ധര്‍ നശിപ്പിച്ച വടക്കുംപുറം നൈതലപ്പുറം ശ്രീ ധര്‍മശാസ്താക്ഷേത്രത്തിലെ പുനപ്രതിഷ്ട നടന്നു

സാമൂഹ്യവിരുദ്ധര്‍ നശിപ്പിച്ച വടക്കുംപുറം നൈതലപ്പുറം ശ്രീ ധര്‍മശാസ്താക്ഷേത്രത്തിലെ പുനപ്രതിഷ്ട നടന്നു

neythalappuram-temple

സാമൂഹ്യവിരുദ്ധര്‍ നശിപ്പിച്ച വടക്കുംപുറം നൈതലപ്പുറം ശ്രീ ധര്‍മശാസ്താക്ഷേത്രത്തിലെ പുനപ്രതിഷ്ട നടന്നു

വളാഞ്ചേരി ഓൺലൈനിൽ വാർത്തകൾ നൽകാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here


എടയൂര്‍ : സാമൂഹ്യവിരുദ്ധര്‍ നശിപ്പിച്ച വടക്കുംപുറം സികെ പാറ നൈതലപ്പുറം ശ്രീധര്‍മശാസ്താക്ഷേത്രത്തിലെ ബ്രഹ്മരക്ഷസിന്റെയും നാഗരാജാവിന്റെയും പുനപ്രതിഷ്ട നടന്നു. ക്ഷേത്രം തന്ത്രി അഴകത്തു മനക്കല്‍ ശാസ്തൃശര്‍മന്‍ നമ്പൂതിരിപ്പാടിന്റെ മുഖ്യകാര്‍മികത്വത്തിലാണ് ചടങ്ങ് നടന്നത്. രണ്ട് ദിവസങ്ങളിലായി നടന്ന ശുദ്ധികര്‍മങ്ങള്‍ക്കും മഹാഗണപതി ഹോമം, മഹാമൃത്യുഞ്ജയ ഹോമം, വാസ്തുബലി, 40 കലശപൂജ, നവകപൂജ, പഞ്ചഗവ്യ പൂജ തുടങ്ങിയ പൂജകള്‍ നടന്നു. അഴകത്തുമനക്കല്‍ പ്രകാശന്‍ നമ്പൂതിരി, മഞ്ചേരി ഹരിസുതന്‍ തിരുമേനി, തോട്ടപ്പായ ശ്രീരാജ് തിരുമേനി, മേല്‍ശാന്തി മേപ്പാട്ടില്ലത്ത് ശാസ്തൃശര്‍മന്‍ തിരുമേനി, മേപ്പാട്ടില്ലത്ത് വിഷ്ണുശര്‍മന്‍ തിരുമേനി എന്നിവര്‍ കാര്‍മികത്വം വഹിച്ചു. നിരവധി ഭക്തരാണ് ചടങ്ങുകളില്‍ പങ്കെടുത്തത്. നിറമാല, ചുറ്റുവിളക്ക്, ഭഗവത് സേവ എന്നീ കര്‍മങ്ങളും നടത്തി. മാനേജിങ് ട്രസ്റ്റി സിസി ഉണ്ണികൃഷ്ണന്‍, ക്ഷേത്രകമ്മിറ്റി പ്രസിഡന്റ് വേലായുധന്‍ മറ്റു ക്ഷേത്രകമ്മിറ്റി ഭാരവാഹികള്‍ എന്നിവര്‍ നേതൃത്വം നല്‍കി.

No Comments

Leave A Comment