നെയ്തലപ്പുറത്ത് അയ്യപ്പ ക്ഷേത്ര ആക്രമണം; തുടരന്വഷണം നടത്തുക-എസ്.ഡി.പി.ഐ

വളാഞ്ചേരി: നെയ്തലപ്പുറത്ത് അയ്യപ്പ ക്ഷേത്ര ആക്രമണം നടന്ന സംഭവത്തിൽ മുഴുവൻ പ്രതികളേയും നിയമത്തിന്റെ മുന്നിൽ കൊണ്ടുവരണമെന്ന് ആവശ്യപ്പെട്ടു എസ്.ഡി.പി.ഐ വളാഞ്ചേരിയിൽ പ്രതിഷേധ പ്രകടനം നടത്തി.

മുനിസിപ്പാലിറ്റി പരിസരത്തു നിന്ന് തുടങ്ങിയ പ്രകടനം പെരിന്തൽമണ്ണ റോഡ്, പട്ടാമ്പി റോഡ്, കുറ്റിപ്പുറം റോഡ് ചുറ്റി ബസ്റ്റാന്റിൽ സമാപിച്ചു. എസ്.ഡി.പി.ഐ മേഖല പ്രസിഡന്റ് മുസ്തഫ പാണ്ടികശാല, സെക്രട്ടറി നാസർ കരേക്കാട്, വൈസ് പ്രസിഡന്റ് ഹസൻ ബാവ, അലവിക്കുട്ടി ഇരിമ്പിളിയം, മുനിസിപ്പൽ പ്രസിഡന്റ് അബൂബക്കർ, സെക്രട്ടറി ഷരീഫ്, അസീസ് പാണ്ടികശാല, സൈനു മച്ചിങ്ങൽ, അബൂബക്കർ കൊട്ടാരം എന്നിവർ നേത്യത്വം നൽകി.