കുറ്റിപ്പുറം പഞ്ചായത്തിലെ 1995-2000 കാലത്തെ ഭരണസമിതി അംഗങ്ങൾ ഒത്തുചേർന്നു

കുറ്റിപ്പുറം : കാൽനൂറ്റാണ്ട്‌ മുമ്പ് കുറ്റിപ്പുറം പഞ്ചായത്തിന്റെ ഭരണചക്രം തിരിച്ച അംഗങ്ങൾ ഒരിക്കൽക്കൂടി ഒത്തുകൂടി. 1995-2000 കാലയളവിൽ കുറ്റിപ്പുറം പഞ്ചായത്ത് ഭരിച്ചവരാണ് വർഷങ്ങൾക്കിപ്പുറം വീണ്ടും ഒത്തുകൂടിയത്. തിങ്കളാഴ്ചയുടെ സായാഹ്നത്തിലാണ് ഭരണസമിതിയോഗത്തിലേക്കെന്നപോലെ അവരെത്തിയത്. മുതിർന്ന കോൺഗ്രസ് നേതാവ് പാഴൂർ മുഹമ്മദ്കുട്ടിയുടെ വീടാണ് സൗഹൃദസംഗമത്തിന് വേദിയായത്.

14 അംഗങ്ങളാണ് അന്നത്തെ ഭരണസമിതിയിലുണ്ടായിരുന്നത്. അതിൽ ഇപ്പോൾ ജീവിച്ചിരിക്കുന്ന 12 പേരും സംഗമത്തിനെത്തി. പി.എം. ശ്രീദേവി, കെ.ടി. തായുമ്മ കരീം, പി.എം. ആമിനക്കുട്ടി, എം. ഗിരിജ, ടി.വി. സരോജിനി അമ്മ, കാങ്കുന്നത്ത് അബ്ദുൽ അസീസ്, എം.വി. വേലായുധൻ, കെ.പി. ഹംസ, ടി.വി. അബ്ദുള്ളക്കുട്ടി, കെ. രാമചന്ദ്രൻ, പാഴൂർ മുഹമ്മദ്കുട്ടി, കല്ലിങ്ങൽ മൊയ്തീൻകുട്ടി എന്നിവരാണ് ഒത്തുചേർന്നത്. ഹാജി പി. കുഞ്ഞിപ്പ, കൊല്ലോടി വേണുഗോപാലമേനോൻ എന്നിവരാണ് മൺമറഞ്ഞത്.