ഇരിമ്പിളിയം ഗ്രാമപ്പഞ്ചായത്തിലെ ഹോമിയോ ഡിസ്‌പെൻസറിയിൽ വനിതാ വിശ്രമമുറി തുറന്നു

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്തിലെ കൊടുമുടിയിൽ പ്രവർത്തിക്കുന്ന ഹോമിയോ ഡിസ്‌പെൻസറിയിൽ വനിതകൾക്കായി വിശ്രമമുറി തുറന്നു. ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടി ഉദ്ഘാടനംചെയ്തു. ഗ്രാമപ്പഞ്ചായത്ത് പ്രസിഡന്റ് റജുല നൗഷാദ് അധ്യക്ഷതവഹിച്ചു.

ബ്ലോക്ക്പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷ ഫസീല, പ്രവീണ രാജു, വി.ടി. അമീർ, എൻ. ഉമ്മുകുൽസു, മമ്മു പാലോളി, ഷംല, എൻ. മുഹമ്മദ്, കെ. മാനുപ്പ, പി.സി. നൂർ തുടങ്ങിയവർ പ്രസംഗിച്ചു. വനിതാഘടക പദ്ധതിയിൽനിന്നും 10,20,000 രൂപ വകയിരുത്തിയാണ് വിശ്രമമുറി നിർമിച്ചത്.