ലഹരി ഉപയോഗിച്ച് വാഹനമോടിക്കൽ; ആതവനാട് സ്വദേശിയുടെ ലൈസൻസ് സസ്പെൻഡ് ചെയ്യാൻ ശുപാർശ
കുറ്റിപ്പുറം: ലഹരിക്ക് അടിമയായ ഓട്ടോഡ്രൈവറുടെ ലൈസൻസ് റദ്ദാക്കാൻ മോട്ടോർവാഹന വകുപ്പിന് പോലീസിന്റെ ശുപാർശ. ആതവനാട് പാലാരിക്കുണ്ടിൽ സിദ്ദീഖിന്റെ (42) ഡ്രൈവിങ് ലൈസൻസ് സസ്പെൻഡ് ചെയ്യാൻ കുറ്റിപ്പുറം സി.ഐ. ശശീധരൻ മേലേയിലാണ് ശുപാർശചെയ്തത്.
സിദ്ദീഖ് മദ്യമുൾപ്പെടെ പലതരം ലഹരിവസ്തുക്കൾ ഉപയോഗിക്കുന്നതായി സി.ഐ.യുടെ വാട്സാപ്പിൽ പരാതി ലഭിച്ചിരുന്നു. ഇതേത്തുടർന്ന് ഇയാൾ പോലീസ് നീരീക്ഷണത്തിലായിരുന്നു. ഞായറാഴ്‌ച രാവിലെ അപകടകരമായ രീതിയിൽ ഓട്ടോറിക്ഷ ഓടിച്ചുവന്ന സിദ്ദീഖിനെ കുറ്റിപ്പുറം ഹൈവേ ജങ്ഷനിൽവെച്ച് പോലീസ് പിടികൂടുകയായിരുന്നു. വൈദ്യപരിശോധനയ്ക്കു വിധേയമാക്കിയതോടേ ഇയാൾ മദ്യവും കഞ്ചാവുമുൾപ്പെടെയുള്ള ലഹരിവസ്തുക്കൾ ഉപയോഗിച്ചതായി കണ്ടെത്തി. ഇതേത്തുടർന്നാണ് നടപടി. ഓട്ടോയുടെ പെർമിറ്റ് റദ്ദാക്കാനും ശുപാർശചെയ്തിട്ടുണ്ട്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
