മങ്കേരിയിൽ പന്നിശല്യം രൂക്ഷം

ഇരിമ്പിളിയം: മങ്കേരിയിൽ പന്നിശല്യം രൂക്ഷം. പലയിടത്തും പന്നികൾ കൂട്ടമായെത്തി കൃഷി നശിപ്പിക്കുകയാണ്. പറമ്പുകളിൽ കൃഷിചെയ്ത വാഴ, ചേന, ചേമ്പ്, കപ്പ തുടങ്ങിയ വിളകളാണ് നശിപ്പിക്കുന്നത്.

കെ.പി. യൂസഫ്, എം.ടി. രാമചന്ദ്രൻ നായർ, കെ.പി. മുഹമ്മദ്, പി. ദാമോദരൻ, ബിനേഷ് തുടങ്ങിയവർക്കാണ് പന്നിശല്യം കൊണ്ട് വലിയതോതിൽ കൃഷി നശിച്ചത്. മങ്കേരിക്കുന്നിനു മുകളിൽ കെട്ടിടങ്ങൾ വന്നതോടെയാണ് കൂട്ടമായി പന്നികൾ കുന്നിറങ്ങിയത്. നെല്ല് കൊയ്തെടുക്കാനാകുമ്പോഴും ഇവയുടെ ശല്യം പതിവാണെന്ന് കർഷകർ പറയുന്നു. കഴിഞ്ഞവർഷം പുറമണ്ണൂർ മേഖലയിലും രൂക്ഷമായ പന്നിശല്യമുണ്ടായിരുന്നു.