വളാഞ്ചേരി: സാധാരണക്കാരുടെ അടിസ്ഥാന ആവശ്യങ്ങളെ

അവഗണിക്കുകയും മദ്യ മുതലാളിമാരെ താലോലിക്കുകയും ചെയ്യുന്ന ഇടതു സർക്കാറിന്റെ സമീപനം കേരളത്തോടു ചെയ്യുന്ന കടുത്ത അനീതിയാണെന്ന് മുസ്‍ലിം യൂത്ത്‍ ലീഗ് സംസ്ഥാന പ്രസിഡന്റ് പാണക്കാട് മുനവ്വറലി ശിഹാബ് തങ്ങൾ.

കഴിഞ്ഞ ഒന്നര മാസമായി വളാഞ്ചേരിയിൽ ബാർ വിരുദ്ധ ആക്‌ഷൻ സമിതി നടത്തുന്ന ധർണയിലെ ഇന്നലത്തെ സമര പരിപാടി ഉദ്ഘാടനം ചെയ്യുകയായിരുന്നു അദ്ദേഹം. മുനിസിപ്പൽ മുസ്‍ലിം ലീഗ് പ്രസിഡന്റ് അഷ്റഫ് അമ്പലത്തിങ്ങൽ ആധ്യക്ഷ്യം വഹിച്ചു. ഡോ. എൻ.എം.മുജീബ് റഹ്മാൻ, കെ.എം.അബ്ദുൽ ഗഫൂർ, സി.എച്ച്.അബൂയൂസഫ് ഗുരുക്കൾ, സലാം വളാഞ്ചേരി, സി.അബ്ദുന്നാസർ, യു.യൂസഫ്, മുഹമ്മദലി നീറ്റുകാട്ടിൽ, സി.ദാവൂദ്, പി.വി.ഇക്ബാൽ, കെ.ബി.കുഞ്ഞിപ്പ എന്നിവർ പ്രസംഗിച്ചു.